КАКО ДА ПОДГОТВИТЕ МЕДЕНА ОВОШНА САЛАТА ?

ПОДГОТВЕТЕ ВКУСНА МЕДЕНА ОВОШНА САЛАТА

СОСТОЈКИ

50 ml мед, 100 гр. ореви сечкани, 1 портокал исечкан на покрупни парчиња, 1 банана исечкана на тркалца, 1 јаболко исечкано на покрупни парчиња, 1 киви исечкано на покрупни парчиња и изматен шлаг. Овие состојки се доволни за две чаши овошна салата.

ПОДГОТОВКА

Во медот ги додаваме оревите и убаво мешаме за да се изедначи смесата. Потоа почнуваме во чаша за овошна салата да го редиме овошјето. Ставаме од јаболката, па додаваме малку од оревите со мед. Потоа ставаме малку од кивито, па повторно ставаме од оревите и медот. Додаваме од бананите и од оревите со медот. На крајот ги додаваме парчињата од портокал. Малку притискаме со лажицата. На крајот во чашата додаваме по малку сок од портокал.

Во готварски шприц ставаме изматен шлаг и декорираме, а шлагот го поросуваме со малку чоколадни трошки. За декорација ставаме по една чоколадна ролничка и украсно чадорче.

ДОБАР АПЕТИТ !

КАКО ДА ОТКРИЕТЕ ШТО ВЕ ПРАВИ СРЕЌНИ ?

ШТО Е ЗАБЛУДА, А ШТО ВИСТИНА ЗА ТОА ШТО НЕ ПРАВИ СРЕЌНИ ?

Сите ние среќата ја доживуваме на свој начин и имаме различни очекувања од неа. Секој од нас треба сам да го побара својот извор на среќа. Некому се доволни мали нешта за да биде среќен, додека други имаат големи очекувања и секогаш се во потрага по среќа. Среќата е насекаде околу нас,сите ние сме опкружени со среќа, само треба да станеме свесни за тоа. За да бидеме среќни не значи дека треба добро да функционираме во сите сегменти од животот, доволно е само да уживаме во сите убави моменти кои што ни ги нуди тој.

Постојат многу заблуди за тоа што е среќа.

 ЕВЕ НЕКОЛКУ ЗАБЛУДИ И ВИСТИНИ ЗА СРЕЌАТА

• Заблуда е дека среќните луѓе се секогаш среќни. Вистина е дека тие се чувствуваат задоволни, а повремено се среќни. Ваквите луѓе кои знаат да бидат среќни, исто така се способни да бидат и многу тажни и да поднесат големи разочарувања.
• Заблуда е дека не може да се биде среќен, ако сте сами. Вистина е дека среќата е индивидуална работа и дека не зависи од околностите, туку само од нашиот став спрема нив
• Заблуда е дека другите се посреќни од вас. Вистина е дека сите имаат проблеми и предизвици со кои се соочуваат, но вистина е и дека сите имаат убави и среќни моменти. И среќните луѓе не се поштедени од болка, препреки, проблеми, грижи итн. Затоа уживајте во вашите убави моменти од животот.
• Заблуда е дека секоја среќа е краткотрајна. Вистина е дека одредени нешта кои не прават во моментот среќни завршуваат, но вистина е и дека доаѓаат постојано нови и убави и неубави моменти. Ние се навикнуваме и на убавите и на неубавите, но за да се чувствуваме среќни треба постојано да се навраќаме на среќните моменти кои сме ги доживеале, на сите нешта кои сме ги направиле и сме се чувствувале задоволно, исполнето и среќно. Само така ќе го продолжиме чувството на среќа.
• Заблуда е дека среќата е поврзана со парите. Вистина е дека за задоволување на основните животни потреби парите се важни, а за се друго важен е вашиот став за тоа што може да ве усреќи. 
• Заблуда е дека ако имате повеќе слободно време ќе бидете посреќни. Вистина е дека луѓето кои се поактивни и ангажирани на повеќе полиња се посреќни и се чувствуваат поисполнето, додека луѓето со вишок време се пасивни и незадоволни.

• Заблуда е дека среќата ја имаш или ја немаш. Вистине е дека секој треба да ја пронајде својата среќа, а тоа ќе го постигнете со желба која ќе биде реална и остварлива, со акција, реализација и упорност. 

На крајот не постои таен рецепт за среќа и еден единствен пат до неа, туку потребно е секој да чекори по својот пат и да открие што е тоа што може да го направи среќен.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

" МНОГУ МАЛКУ Е ПОТРЕБНО ЗА СРЕЌЕН ЖИВОТ, ТОА СЕ НАОЃА ВО СЕБЕ И ВО ВАШИОТ НАЧИН НА РАЗМИСЛУВАЊЕ."

                                                          - MARCUS AURELIUS -

КАКО ДА НАПРАВИТЕ МАСКА ЗА СУВА И ОШТЕТЕНА КОСА ?

НАПРАВЕТЕ МАСКА И ДАЈТЕ И ЖИВОСТ И СЈАЈ НА 

ВАШАТА СУВА И ОШТЕТЕНА КОСА

Убавата коса е дар од природата, но секоја коса може да биде убава и сјајна, ако редовно се негува.

МАСКА ЗА СУВА И ОШТЕТЕНА КОСА

2-4 жолчки се матат со 2 лажици маслиново масло. Рамномерно се нанесува на косата, се покрива со фолија и со пешкир. Се држи 1 час, а потоа се мие со шампон.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

 

КАКО ДА ГО ОСВЕЖИТЕ ВОЗДУХОТ ВО ДОМОТ ?

ОСВЕЖЕТЕ ГО ВОЗДУХОТ ВО ДОМОТ

Со доаѓањето на студените есенски денови, започна и затоплувањето на домовите, а сувиот воздух станува голем проблем за сите нас, особено за оние кои имаат респираторни проблеми. Сувиот воздух ја суши косата, кожата, а им смета и на собните билки како и на мебелот. Постојат повеќе начини како да го освежите воздухот во домот.

ЕВЕ НЕКОЛКУ ПРЕДЛОЗИ

• во близина на грејните тела држете сад со вода или влажни памучни крпи
• на ребрата од радијаторот држете испарувач на вода. во водата можете да сипете неколку капки етерично масло на лимун кој ќе шири пријатен и свеж мирис.
• доколку имате проблеми со дишењето, во садот со вода додадете неколку капки еукалиптус или нане.
• во недостаток на етерично масло, на радијаторите ставете корка лимун, портокал или мандарина.
• бидејќи собните билки го прават воздухот повлажен, сите соби исполнете ги со нив ( фикус, филадендрон, дрво лимун и др. ) освен собите за спиење.
• редовното проветрување на сите простории е најдобро решение. неколку пати во текот на денот држете ги прозорците отворени барем по 5 минути.
• внимавајте да не претерате со влажноста на воздухот, бидејќи тоа пак може да предизвика појава на габички, мувла и бактерии.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО НА ЕДНОСТАВЕН НАЧИН ДА ЈА ОСВЕЖИТЕ И НАХРАНИТЕ КОЖАТА НА ВАШЕТО ЛИЦЕ ?

ОСВЕЖЕТЕ ЈА И НАХРАНЕТЕ ЈА КОЖАТА НА ВАШЕТО 

ЛИЦЕ  СО БАДЕМОВО МАСЛО

Испробан и едноставен начин за освежување и потхранување на кожата на лицето.На добро измиена и исчистена кожа, со врвовите на прстите нанесете и добро втријте бадемово масло. Потоа лицето покријте го со фротирски пешкир натопен прво во многу топла, а потоа во сосема ладна вода. Ова повторете го неколку пати.


ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ ИЗВОНРЕДНО КОРИСНА И ХРАНЛИВА МАСКА ЗА ЛИЦЕ ?

НАПРАВЕТЕ ИЗВОНРЕДНО ХРАНЛИВА И КОРИСНА 

МАСКА ЗА ЛИЦЕ ОД ПИВСКИ КВАСЕЦ

Извонредно корисна и хранлива маска за лице се прави од пивски квасец растопен во млако млеко. Постапката за нанесување на маската е иста како и кај пилингот. Маската се држи на лицето 10 минути, а потоа се измива со млака вода. На крајот треба лицето да се намачка со хранлива или хидратантна крема во зависност од типот на кожата.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ ПИЛИНГ ЗА ЧИСТЕЊЕ НА ЛИЦЕ ?

ПИЛИНГ СО КОЈ СЕ ОТСТРАНУВА ИЗУМРЕНИОТ ЕПИДЕРМ

Маската за чистење лице ( пилинг ) со која се отстранува изумрениот епидерм се прави : ситно проино брашно разматете во малку млака вода и оваа смеса нанесете ја на претходно детално исчистено и измиено лице. Благо втријте со кружни движења, неколку минути по целото лице, освен деловите околу очите, а потоа измијте со млака вода.


ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ ХРАНЛИВА МАСКА ЗА СУВА, ИСПУКАНА И СВЕНАТА КОЖА ?

ХРАНЛИВА МАСКА ЗА СУВА, ИСПУКАНА И СВЕНАТА КОЖА

За сува, испукана и свената кожа неопходно е користење на хранлива маска. Нај едноставна, а во исто време и нај хранлива е маската од жолчка, мед и маслиново масло. Овие состојки се мешаат, додека не се добие соединета смеса, па со тоа се мачка лицето. Маската треба да се држи 10 минути, а потоа лицето се измива со млака вода.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ МАСКА ЗА ПРОШИРЕНИ ПОРИ И НЕЧИСТО ЛИЦЕ?

МАСКА ЗА ПРОШИРЕНИ ПОРИ И НЕЧИСТО ЛИЦЕ

Најдобра маска за проширени пори и нечисто лице е маската од белка и сок од лимун. Белката изматете ја како пена, додадете неколку капки сок од лимун и со таа маска да се намачка лицето. Кога белката ќе се исуши, се чувствува како кожата се затега. Лицето се измива со млака вода. После сите маски, лицето треба да се намачка со хранлив или хидратантен крем во зависност од типот на кожата.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА ГИ НЕГУВАТЕ ВАШИТЕ РАЦЕ ?

МАЛИ СОВЕТИ ЗА НЕГА НА ВАШИТЕ РАЦЕ 

За нега на рацете сеуште ненадминато средство е глицеринот измешан со сок од лимун. Нај добро со оваа мешавина рацете да се мачкаат навечер, пред спиење. Покрај рацете со ова средство треба да се мачкаат и лактите и стапалата, за да се избегне таложење на груби и тврди делови на кожата.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ ЛОСИОН РУЖИНА ВОДА ?

ЛОСИОН РУЖИНА ВОДА

Ружина вода се прави на едноставен начин. Се преливаат ливчиња од роза со зовриена вода. Кога нема свежи, се користат и исушени ливчиња од роза. Тоа овозможува да ја имаме во текот на целата година. Мирисна и освежителна, кожата ја прави мазна, а благотворно делува и на очите кога се уморни ( ставете на очите облоги натопени во ружина вода ).


ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ ЛОСИОН ОД КРАСТАВИЦА ЗА МРСНА КОЖА?

ЛОСИОН ОД КРАСТАВИЦА ЗА МРСНА КОЖА

Изрендајте краставица, оставете ја да одстои за да пушти што повеќе сок и исцедете низ газа. Сокот од краставицата да се измеша со алкохол во однос 1:4 , што значи дека на еден дел алкохол доаѓа четири дела сок од краставица. Протресете и сипете во сад кој треба да се чува на ладно.

Лосионот е погоден за избелување на кожата и за собирање на порите, но не треба константно да го користите, туку само периодично со паузи.

ЗАТОА НЕ ЧЕКАЈТЕ ! 

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ ЛОСИОН ОД КАМИЛИЦА ЗА СУВА И НОРМАЛНА КОЖА ?

ЛОСИОН ОД КАМИЛИЦА ЗА СУВА И НОРМАЛНА КОЖА

 

 

Сварете блага камилица, исцедете и сипете ја изладена во шишенце од кое ќе го употребувате лосионот. Ставете 2-3 зрнца хиперманган и добро протресете го шишенцето. Ќе имате благ лосион за цела седмица, а ако ви годи можете повторно лесно да го направите.

 

НАПОМЕНА : ВНИМАТЕЛНО СТАВАЈТЕ ЗРНЦА, ХИПЕРМАНГАН , БИДЕЈЌИ АКО Е ВО ПОГОЛЕМА КОНЦЕНТРАЦИЈА ОД ПРЕПОРАЧАНОТО МОЖЕ ДА ЈА ОШТЕТИ КОЖАТА.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА ИМАТЕ БУЈНА И СЈАЈНА КОСА ?

НЕГА ЗА БУЈНА И СЈАЈНА КОСА

За комплетниот изглед на жената косата има пресудно значење. Жената која ќе ја пронајде својата "глава" ,  и секогаш е со убава и уредна коса, се чувствува слободна и сигурна во себе.Косата која што правилно се мие и негува со текот на времето станува се поубава и посјајна, без оглед на тоа како е потстрижена и исчешлана.

ЕВЕ НЕКОЛКУ МАЛИ СОВЕТИ КАКО ДА ЈА НЕГУВАТЕ ВАШАТА КОСА

• косата треба да се мие еднаш седмично, но ако е потребно и почесто. Не е точно дека косата се оштетува со често миење, доколку тоа се прави на правилен начин.
• треба да се употребува шампон со неутрален ph фактор, а во изборот на шампон доверба подарете на веќе познатите и признати производители.
• покрај шампонот, треба да се користи и кондиционатор, кој на косата и дава сјај, мекост и ја прави мазна.
• водата треба да биде онолку топла колку што можете да поднесете, и секогаш со иста температура во сите фази на миењето, бидејќи на косата не и одговара промена на температурата.
• наместо под туш, косата за време на миењето треба да се полева пополека, најдобро водата да ја сипувате од бокал или некој друг сад, бидејќи тоа на косата највеќе и годи
• во текот на миењето косата не смее да се замрсува, а тоа значи дека ни косата ни кожата на главата не треба да се трља. Имено, кога се нанесува шампон доволно е со прстите косата да се  мазне или уште подобро  да се чешла, затоа што така шампонот и нечистотијата се провлекуваат од коренот до крајот на влакната, од каде на крајот се исфрлаат, а кожата на главата се чисти и со самото миење на косата.
• косата треба редовно да се расчешлува и правилно да се суши и фенира
• бидејќи водата содржи доста хлор и бигор, пожелно би било да се омекне со извривање и косата да се измие со онолку вода колку што навистина и е потребно.
• покрај сета претходно наведена нега, еднаш седмично користете пакување, односно соодветна маска за коса во вид на готов препарат или ( мајонез, маслиново или бадемово масло) или посетете го вашиот фризер.
• за јакнење на коренот на косата употребете листови од орев. Листовите се варат во неколку литри вода и со истата се измива на крајот од миењето.
• за измивање на светла коса се препорачува камилица, која покрај тоа што дејствува тонизирачки и дава на косата сјај, а доколку се свари како појак концентрат може и да ја осветли бојата на косата.
• лажичка-две вински оцет или сок од лимун, ако се стават во последната вода со која се измива косата, имаат исто дејство како и било кој индустриски регенератор.

БУЈНА И СЈАЈНА КОСА

За побујна и посјајна коса се мешаат 250 гр. кисела павлака, една жолчка, 20 гр. вотка или џин и сок од еден лимун. Смесата се нанесува на косата, околу 2 цм. од коренот и се остава да делува 5 - 15 минути. На крајот се мие со топла вода.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА ПОДГОТВИТЕ РАВИОЛИ СО СИРЕЊЕ ?

ПОДГОТВЕТЕ ВКУСНИ РАВИОЛИ СО СИРЕЊЕ

СОСТОЈКИ

500 гр. брашно, 250 гр. сирење, 150 гр. путер, 150 гр. пармезан, 5 јајца, 1 јајце за фил, 1 жолчка за премачкување, корен магдонос, сол по потреба.

ПОДГОТОВКА

Со брашното, јајцата, сол, масло и вода да се замеси меко тесто. Да се развлечат две кори и едната да се премачка со жолчката. Сирењето да се измеша со едно јајце и магдонос. Филот да се стави во вид на брдо и со другата половина од тестото да се поклопи. Да се притисне со прсти за да филот не истече. Да се сварат во солена вода, да се исцедат, да се зачинат со топол путер и пармезан.

ДОБАР АПЕТИТ !

КАКВА МОЌ ИМА ЗЕЛКАТА ?

МОЌТА НА ЗЕЛКАТА

Во стариот Рим зелката ја сметале за лек против ракот. Содржи многубројни антиканцерогени и антиоксидантни состојки. Го забрзува метаболизмот на естрогенот. Се смета дека дејствува против ракот на дојка и дека го стопира растот на полипите, кои се вовед во рак на дебелото црево. Студиите покажале дека јадењето зелка почесто од еднаш седмично го намалува ризикот кај мажите за добивање рак на дебелото црево за 66 %. Исто така е утврдено дека само две лажици варена зелка на ден штити од рак на желудник. Содржи состојки кои делуваат против чир. Има антибактериско и антивирусно дејство. Кај некои луѓе може да предизвика гасови. Киселата зелка пак може кај некој да предизвика мигренозни главоболки. 

НАПОМЕНА : Некои состојки со антиоксидантно, антиканцерогено и естрогенскио делување ( особено индоли ) се уништуваат со варење. Сировата зелка, на пр. салата од сецкана зелка, има појако дејство.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА ПОДГОТВИТЕ КАНЕЛОНИ СО СПАНАЌ ?

ПОДГОТВЕТЕ ВКУСНИ КАНЕЛОНИ СО СПАНАЌ

СОСТОЈКИ

ТЕСТО : 200 гр. брашно, 2 јајца, 2 лажички масло, малку сол

ФИЛ : лажица гриз, 2 пакувања замрзнат спанаќ од по 300 гр. или свеж, 200 гр. сирење, 50 гр. рендан пармезан, 1 чешне лук, бибер, сол, мускат оревче и 2 лажици маслиново масло, базиликум.

БЕШАМЕЛ СОС : 30 гр. путер, 30 гр. брашно, 250 ml. млеко, половина чаша кисела павлака.

ДОМАТЕН СОС : 2 мали главици кромид, 2 лажици масло, 1 мала конзерва доматно пире или кечап, зачини. 

ПОДГОТОВКА

Да се измешаат брашното, јајцата, масло и сол. Прво да се меша со миксер, а потоа со раце добро да се измеси тестото. Додадете масло доколку тестото е многу суво. Оставете да отстои еден час, а потоа развлечете тенки кори. Треба да има 12 листови со димензии 5 х 7,5 цм. Посолете со гриз, покријте со чист чаршав и оставете да отстои. За тоа време да се измеша обарениот спанаќ со сирењето, пармезанот, исецканиот лук и зачините. Додадете малку маслиново масло и базиликум.
Бешамел направете од загреано, но бело брашно на путер и млеко со кисела павлака. Треба постојано да се меша за да сосот не се направи со грутки.
Доматниот сос да се направи од пасиран и пропржен лук, кечап или доматно пире и зачини. 15 минути да се вари на тивок оган. 
Секој лист да се намачка и да се филува со спанаќот и да се завиткаат ролни. Во садот во кој е доматниот сос ставајте ги ролатите со работ одоздола. Прелијте со бешамел сосот и додадете рендан пармезан. Се пече 35 минути во рерна на 225 степени.




ДОБАР АПЕТИТ !

КАКО ДА ГИ НАВИКНЕТЕ ВАШИТЕ ДЕЦА НА ПОМАЛКУ СЛАТКИ ?

НАМАЛЕТЕ ЈА УПОТРЕБАТА НА СЛАТКИ ВО ИСХРАНАТА НА ДЕЦАТА !

Познато е дека омилена храна на децата се слатките. Но познато е исто така дека за правилен раст и развој тие треба секојдневно да внесуваат разновидна храна богата со витамини, протеини, јаглени хидрати, масти. Предуслов за здрава храна на децата е да им се понуди храна  во која се застапени сите основни прехрамбени состојки. Детето треба дневно да пие 1/2 л. млеко како и други млечни производи заради калциумот и за правилен раст и развој. Месо би требало да се дава 1-2 оброка дневно или како замена може да се понуди јајце, џигерчиња или сирење. Месото треба да биде со намалени маснотии како на пр. риба, телешко, мисиркино месо. Овошјето и зеленчукот треба да биде секојдневно застапено во исхраната на децата. Овошјето може да се внесува свежо, но и сушено во вид на компоти и овошни сокови. Житариците се посебно здрава храна особено житариците со сушено овошје бидејќи содржат природни витамини и железо. Добро е да се внесува црн леб. Нутриционистите препорачуваат и две до три ужинки. Прескокнувањето на појадокот е се почеста појава, но никако не смеете да го пуштите вашето дете без да појадува, затоа што на училиште ќе биде деконцентрирано и ќе чувствува умор.

 
Кога станува збор за слатките, тие не спаѓаат во групата на здрави и хранливи намирници, па затоа треба умерено да се конзумираат. Доколку вашето дете јаде многу слатки тоа ќе чувствува ситост, а нема да внесе ниедна хранлива состојка неопходна за правилен раст и развој. Слатките го убиваат апетитот и за да ја намалите нивната употреба, потребно е кај децата уште од најмала возраст да ја развивате навиката за здрава храна. Не треба слатките да ги исклучите потполно од исхраната на детето, затоа што во тој случај потребата за слатки ќе стане уште поголема.

Што всушност треба да направите ?
Еве неколку мали совети :

• не создавајте залихи на слатки дома, туку на суво овошје, мешунки и свежо овошје кое ќе им го понудите како замена за слатките
• кога им давате слатки треба строго да се придржувате кон правилата кои вие сте ги одредиле за количината. На пример : неколку колачиња, два реда чоколадо и сл., и не попуштајте на молбите од вашето дете за повеќе.
• понудете им слатки само за десерт, а никако за ужинка
• не користете ги слатките како награда 

На крајот, зошто сето ова е важно ?

Слатките влијаат на промената на расположението, на цревната флора, штетни се за забите и коските, а ако детето секојдневно јаде слатки постои голем ризик дека ќе биде гојазно или уште полошо може да добие дијабетис и кардиоваскуларни болести.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

СТОП ЗА НАСИЛСТВОТО ВРЗ ЖЕНИТЕ !

ДА КАЖЕМЕ НЕ ЗА НАСИЛСТВОТО ВРЗ ЖЕНИТЕ !

Денес се одбележува 25 ноември меѓународниот ден за борба против насилството врз жените.Насилството врз жените и девојчињата претставува најчест облик на кршење на човековите права. Насилството врз жените е непочитување на нивните основни слободи и човекови права. Меѓународниот ден за борба против насилството врз жените , 25 ноември е прогласен со одлука на Обединетите Нации во знак на сеќавање, на сестрите Мирабел, кои биле брутално убиени во Доминиканската Република во 1960 год. Тие делувале со револуционерни активности и се бореле за демократија и правда. На 25 ноември ликвидирани се од страна на тајната полиција. 

Податоците говорат дека една од три жени во текот на својот живот доживеале физичко или сексуално насилство. Секоја втора жена е жртва на психичко насилство. Секоја петта жена е жртва на физичко насилство. 55,4 % се согласиле да бидат пасивни, односно да го трпат насилството, а 80% од жените повторно се враќаат кај насилникот заради економски причини. Жената е најчесто жртва на семејно насилство. Семејното насилство според меѓународните конвенции и од страна на владите е дефинирано многу пошироко од само физичко насилство. Дефиницијата ја вклучува и психолошката, сексуалната и економската злоупотреба. Под поимот семејно насилство не се подразбира само злоупотреба so секаков акт на насилство од страна на брачниот другар, туку  тоа може да биде од било кој друг член на семејната заедница.

 

 

Меѓународниот ден за борба против насилството врз жената 25 ноември, е уште една можност да се укаже на овој проблем и за напорите што се прават во правец за негово сузбивање и заштита на основните човекови права и слободи на жената загарантирани со уставот,законите и меѓународните акти ратификувани од страна на нашата држава.

По повод одбележувањето на 25 ноември во светот и кај нас се одржуваат низа манифестаци, а симбол кој се носи е бела лента.

ЗАТОА МОРА ДА КАЖЕМЕ СТОП ЗА НАСИЛСТВОТО ВРЗ ЖЕНАТА !

КАКО ДА ПОДГОТВИТЕ МЕДИТЕРАНСКА САЛАТА ?

ПОДГОТВЕТЕ ВКУСНА МЕДИТЕРАНСКА САЛАТА !

СОСТОЈКИ

200 гр. ориз, 250 гр. грашок, 250 гр. моркови, 100 гр. паризер, 1 мала главица кромид, 1 лажица вегета, сол, црн пипер, свеж магдонос, масло и вински оцет.

ПОДГОТОВКА

Оризот, грашокот и морковите се варат во посолена вода. Варениот зеленчук и оризот се исцедуваат, а морковите и паризерот се сецкаат на коцкички, па се заедно се меша. Ситно исецканиот кромид, магдоносот, црниот пипер и вегетата се ставаат во 1 dl. вода, се варат кратко и сето тоа врело се става на зеленчукот, а на крајот се додава оцет и добро се меша. Оладената салата се сервира во стаклени чаши и се служи како предјадење.

СОВЕТ : Салатата е погодна за секое годишно време, а по желба во истата салата може да се додадат парченца од варено или печено месо.

ДОБАР АПЕТИТ !

КАКО ДА ПОДГОТВИТЕ ФРАНЦУСКА САЛАТА ?

ПОДГОТВЕТЕ ВКУСНА ФРАНЦУСКА САЛАТА СО ЗЕЛЕНЧУК !

СОСТОЈКИ

Главица целер, 2 поголеми моркови,  магдонос, пашканат, 3 компири, една тегличка мајонез,масло, оцет и сол.

ПОДГОТОВКА

Зеленчукот освен компирите се става во посолена вода да се вари. Откако ќе се свари зеленчукот се сецка на коцки. Компирите одделно се варат, но не смее да бидат преварени. Половина од морковите заедно со исечените компири се мешаат, се преливаат со масло и разреден оцет и се посолува. Се додава мајонезот и се меша. За декорација користете го остатокот од морковите и магдонос.


ДОБАР АПЕТИТ !

КАКО ДА СЕ ШМИНКАТЕ АКО СТЕ БРИНЕТА ?

КАКВА ШМИНКА ОДГОВАРА ЗА БРИНЕТИ ?

Постои разлика во шминкањето на русокоси, бринети или црнки. Затоа еве неколку мали совети како да се шминкате доколку сте бринета.

Доколку имате светол тен треба да изберете жолтеникава нијанса за подлога. Најдобра нијанса на течна пудра за вас бринетите е онаа која ќе се поклопи со вашата боја на кожа откако ќе ја нанесете. Изборот секогаш правете го на дневна светлина за да не направите грешка па да предизвикате спротивен ефект. За образите користете светло розе или пастелно црвена. За бринетите не постојат никакви ограничувања кога станува збор за изборот на сенки за очи. Бојата на карминот секогаш треба да биде во склад со бојата на руменилото за образи. Светло розе или црвени нијанси на кармин идеално ви прилегаат. Врз карминот можете да нанесете и сјај за усни со што целокупниот ваш изглед ќе биде повпечатлив.


ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА СЕ ШМИНКАТЕ АКО СТЕ ЦРНКА ?

КАКВА ШМИНКА ОДГОВАРА ЗА ЦРНОКОСИ ?

Постои разлика во шминкањето на русокоси, бринети или црнки. Затоа еве неколку мали совети како да се нашминкате доколку сте црнка.

Доколку сте црнокоса со светол тен , тогаш треба да користите течна пудра во нијанса на вашата боја на кожа. Доколку сте со потемен тен немате голема потреба од користење на пудра, а инаку темниот тен бара употреба на пудра со потемни нијанси.За образите користете кафени нијанси или килибар, цимет или цигла. Кога станува збор за тоа како да ги нашминкате вашите очи, тогаш вам ви прилегаат речиси сите бои. Тоа ќе го усогласите со бојата на вашите очи и остатокот од шминката. За усните изберете светло розе кармин или корални нијанси.Бојата на карминот треба да биде усогласена со бојата на руменилото. За вечерни излегувања можете да користите кармин со боја на јагода. Исто така можете врз карминот да нанесете сјај кој на усните ќе им дадат полност и со тоа вие ќе бидете неодоливо маркантни.


ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ


 

КАКО ДА СЕ ШМИНКАТЕ АКО СТЕ РУСОКОСА ?

КАКВА ШМИНКА ОДГОВАРА ЗА РУСОКОСИ ?

Постои разлика во шминкањето на русокоси, бринети или црнки. Затоа еве неколку мали совети како да се нашминкате доколку сте русокоси. 

 

Кога станува збор за нанесување подлога или течна пудра за да се изедначи тенот, тогаш треба да изберете светла или малку жолтеникава нијанса. Руменилото исто така треба да биде со посветли тонови. Светло розева или праска боја е најдобриот избор за вас русокосите. Очите би требало да ги нашминкате со потемни бои како , темно сина и зелена. Сенки со светки исто така се добар избор за русокосите, затоа што на очите им даваат посебен сјај. За усните изберете кармин со праска боја или светли нијанси на капина. Усните ќе имаат неодолив забележителен ефект доколку врз карминот нанесете сјај за усни со светки.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ !

КАКО ДА ПОДГОТВИТЕ ОМЛЕТ СО СПАНАЌ ?

 ПОДГОТВЕТЕ ВКУСЕН ОМЛЕТ СО СПАНАЌ

СОСТОЈКИ

Една чаша брашно, половина чаша ладно млеко, 2 јајца, сол, масло и 300-400 гр. спанаќ.

ПОДГОТОВКА

Јајцата се матат со малку сол, се додаваат млекото и брашното и добро се меша. Се додава исечениот спанаќ. Од смесата се пржат мали омлети во врело масло. Се служат топли со салата по желба.



ДОБАР АПЕТИТ !

КАКО ДА ПОДГОТВИТЕ ШПАГЕТИ НА ИТАЛИЈАНСКИ НАЧИН ?

ВКУСНИ ШПАГЕТИ НА ИТАЛИЈАНСКИ НАЧИН


СОСТОЈКИ

2 лажици маслиново масло, главица кромид, помала главичка целер, 2 моркова, 100 гр. свежа неварена шунка, 300 гр. мешано телешко и свинско месо ситно сецкано, сол, бибер, 2 dl. црно вино, малку сос од домати, 1 шоља супа од коцка, 250-300 гр. шпагети, 40 гр. путер, 100 гр. пармезан.

ПОДГОТОВКА

Маслото се загрева и во него се додаваат кромидот, целер, ренданите моркови, сеченото месо и шунка, сол и бибер. Сето тоа се пропржува, се додава сос од домати и виното, супата и се вари на тивко 30 минути. Откако ќе ги сварите шпагетите во многу вода со сол, исцедете ги и прелијте ги со стопен путер. Филот се става одозгора врз шпагетите и се посипуваат со многу пармезан.




ДОБАР АПЕТИТ !

КАКО ДА ПОДГОТВИТЕ КОМПИР НА ШВАЈЦАРСКИ НАЧИН ?

КОМПИР НА ШВАЈЦАРСКИ НАЧИН

СОСТОЈКИ

800 гр. варени и излупени компири, масло, 2 јајца, 150-200 ml. млеко, 3-4 лажици рендан кашкавал ( биено сирење или некое друго тврдо сирење ), трошки од леб, парче путер.

ПОДГОТОВКА

Компирите се сечат на тенки парчиња и се редат во подмачкан огноотпорен сад. По редењето се преливаат со следниот прелив: 2 јајца добро се матат со малку сол, се мешаат со млекото и ренданиот кашкавал. Садот се протресува за течноста да навлезе во сите слоеви од компирот и се пече во рерна со парченца путер. Готово е кога ќе добие убава црвена боја и се служи со салата по желба.

ДОБАР АПЕТИТ !

КАКО ДА ПОДГОТВИТЕ КРЕМ ЧОРБА СО ШАМПИЊОНИ ?

КРЕМ ЧОРБА СО ШАМПИЊОНИ

СОСТОЈКИ

800 гр. шампињони, 30 гр. брашно, 120 гр. маргарин, 1/2 л. млеко, 4 dl. супа од коцка, 8 лажици кисела павлака, парче леб исечено на триаголници и пропржени во путер, сол и црн пипер.

ПОДГОТОВКА

Исчистените и измиени шампињони се сецкаат на тенки парчиња и се пропржуваат во 70 гр. маргарин. Од останатиот маргарин и брашно се приготвува светла запршка, при што постојано се меша и тоа на ниска температура.Се налева со млеко и се остава да се вари околу 15 минути. Потоа се процедува, се додаваат супата од коцка и печурките. Се посолува, се додава црн пипер и се става на оган кусо време да се вари по што се додава измешаната павлака. Се служи со пропржените триаголници од леб.



ДОБАР АПЕТИТ !

КАКО ДА ГИ ПРЕТВОРИТЕ ПРЕДИЗВИЦИТЕ ВО МОЖНОСТИ ?

ПРЕТВОРЕТЕ ГИ ПРЕДИЗВИЦИТЕ ВО МОЖНОСТИ !

Секојдневно се соочуваме со предизвици кои што ни ги нуди животот. Многумина пред предизвиците потклекнуваат и сметаат дека не се во состојба да се фатат во костец со проблемите, па во таква ситуација нај лесно им е проблемот да го стават под тепих. Други пак се доволно храбри да се исправат пред предизвиците, да се соочат со проблемите, да изнајдат решение и на тој начин успеваат предизвиците да ги претворат во можности кои ќе им понудат нови животни перспективи.Предизвиците се тие кои не туркаат да ја креираме нашата иднина.
Тие се насекаде околу вас, само треба да им обрнете внимание, да се соочите со нив, да ги претворите во можности, така што ќе ја пронајдете нај добрата можна солуција за решение, и да започнете да живеете еден многу поинтересен и повозбудлив живот.    

НЕ ОГРАНИЧУВАЈТЕ ГИ ПРЕДИЗВИЦИТЕ, ТУКУ ПРЕДИЗВИКАЈТЕ ГИ ВАШИТЕ ОГРАНИЧУВАЊА.

ЕВЕ НЕКОЛКУ ПРЕДЛОЗИ КАКО ПРЕДИЗВИЦИТЕ ДА ГИ ПРЕТВОРИТЕ ВО МОЖНОСТИ :

• Започнете да го трошите вашето време со вистинските луѓе
• Започнете да се соочувате со вашите проблеми
• Започнете со примена на контрола
• Започнете да ја градите вашата среќа, таа за вас нека биде приоритет
• Започнете да бидете искрени спрема себе, реални, горди и бидете оној што сте
• Започнете да се фокусирате на нешто конкретно
• Поставете си временска рамка за соочување и решение на одреден проблем
• Започнете на вашите идеи и соништа да им давате шанса. Шансата сама не доаѓа, треба да ја создадете
• Прифатете ги можностите кои ви се нудат во тој момент и предизвиците кои што се дарови кои ќе ви помогнат да растете и да се развивате
• Натпреварувајте се сами со себе. Бидете инспирирани од другите и ценете ги нивните достигнувања, но да се натпреварувате со нив е губење време. Вие сте во конкуренција само со една личност, а таа личност сте вие.
 

ПРЕДИЗВИЦИТЕ ДОАЃААТ, ПРЕСРЕТНЕТЕ ГИ И ПРЕТВОРЕТЕ ГИ ВО МОЖНОСТИ !

 ЗАТОА НЕ ЧЕКАЈТЕ !

 ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ !

 

 

 

 

7 НАЧИНИ КАКО ДА ИЗГРАДИТЕ ПРЕКРАСЕН ЖИВОТ ?

КАКО ДА ИМАТЕ ПРЕКРАСЕН ЖИВОТ ?

Не постои човек кој не посакува за себе прекрасен живот исполнет со задоволства во кои ќе ужива и среќа која ќе биде неизоставен дел од него. За да тој биде онаков каков што вие посакувате, тогаш време е да започнете да носите одлуки во тој правец. Вашиот живот е во ваши раце и се зависи од тоа каков избор ќе направите, да изберете помеѓу среќа или тага, успех или неуспех, храброст или страв, амбициозност или рамнодушност. Можете да изберете по кој пат ќе тргнете во потрага по прекрасен живот. Постојат луѓе кои никогаш не се задоволни од својот живот. Тие сметаат дека постојано треба нешто спектакуларно да им се случува за да бидат среќни и задоволни, без при тоа тие да се трудат нешто да направат за да го добијат посакуваното. Животот ни нуди различни предизвици, но и различни можности. Убавиот живот едноставно не се случува сам од себе, тој се гради ден по ден со залагања, напорна работа и трошка среќа.

СИТЕ НИЕ СМЕ ГРАДИТЕЛИ НА НАШИТЕ ЖИВОТИ ! 

ЗАТОА ЗАПОЧНЕТЕ ДА ГРАДИТЕ ЗА СЕБЕ ЕДЕН ПРЕКРАСЕН ЖИВОТ !




  Постојат многу начини за да изградите прекрасен живот, 
но еве 7 од нив кои ви ги предлагам: 

1. Инвестирајте во вашата иднина
2. Бидете отворени за нови знаења
3. Бидете доволно ангажирани
4. Следете го вашето рацио и секогаш делувајте во склад со вашите желби, потреби и можности
5. Предизвиците претворете ги во можности
6. Не дозволувајте туѓите проблеми, да станат ваши
7. Пронајдете задоволство во она што го работите

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ


"ВИЕ ЖИВЕЕТЕ САМО ЕДНАШ, ДОКОЛКУ ТОА ГО ПРАВИТЕ ДОБРО, ТОГАШ ЕДНАШ Е ДОВОЛНО."


                                                                                                           - MAE WEST -

КАКО ДА ГИ НЕГУВАТЕ ВАШИТЕ ГРАДИ ?

НЕГА НА ГРАДИ

Убавите гради не се само дар од природата, туку и резултат на истрајна и правилна нега на овој дел од телото. Се разбира обликот на градите не можете да го измените, но со помош на вежби и редовна употреба на готови препарати за нега или со препаратите за кои подолу ќе добиете рацепти како да ги подготвите, можете кожата да ја направите мека и нежна, да го

зацврстите сврзното ткиво и да спречите прерано опуштање на вашите гради.

Секое утро негата треба да започне со туширање на градите со ладна вода. Ако на тоа не сте навикнати, од ден на ден намалувајте ја температурата на водата, и веќе за неколку дена нема да ви биде непријатно , да после вообичаеното туширање, млазот со ладна вода , по половина минута го усмерите на секоја дојка. Меѓутоа, млазот не треба да биде јак, а не треба ниту да го усмерувате накај брадавиците. Кожата на градите исушите ја, благо тапкајќи со мека фротирска крпа. Потоа со благи кружни движења нанесете млеко со риган кое ја освежува кожата. За вечерна нега, можете да изберете помеѓу млеко со риган, бадемово масло кое што кожата ја прави мазна или екстракт од коњско опавче кој градите ги обликува и кожата ја зајакнува, зависно од тоа што и е потребно на кожата на вашите гради.

Еднаш неделно кожата на градите и деколтето би требало да ја чистите со препарат од лаванда и белка, со кој ќе го отстраните слојот на изумрени келии на кожата  и малата нечистотија. Потоа кожата намачкајте ја со крем од павлака, затоа што така полесно ќе ги впие делотворните супстанци.

ВЕЖБИ

Дојките немаат мускули и всушност се состојат од млечни жлезди кои се наоѓаат во масното ткиво, но се држат на градните мускули. Овие мускули повторно се закачени не некој вид подлога која се состои од потпорно и сврзно ткиво.
Бидејќи цврстинатана градите зависи од

цврстината на овие мускули, потребно е со секојдневни вежби тие да се зајакнуваат.

ЕВЕ НЕКОЛКУ ПРИМЕРИ НА ЕДНОСТАВНИ ВЕЖБИ

• подигнете ги рацете во висина на градите и дланките пред градите, 20 пати притиснете ги една со друга, или помеѓу дланките притискајте некој предмет во облик на валјак или помала топка.
• тегови со тежина од 2 кг. истовремено и со едната и со другата рака дигајте ги до висината на градите. И оваа вежба секој ден треба да се прави , подигајќи ги теговите 20 пати.
• наглото слабеење, особено со помош на диета која содржи помалку од 800 калории, го ослабува и потпорното сврзно ткиво на градите кои заради тоа го губат својот облик.Ако веќе држите диета, тогаш таа треба да биде многу урамнотежена, а истовремено треба редовно да правите гимнастика која ќе ги јакне градните мускули. Во секој случај, треба да јадете доста свежо овошје и зеленчук, производи од житарици и дневно да пиете по 2 л. течност ( чај, сокови, минерална вода ). 
• покрај секојдневните вежби, ако сте во можност, еднаш неделно би требало и да пливате и тоа граден стил со кој најдобро се јакнат градните мускули.
• Најпосле, правилото кое никогаш не смеете да го запоставите : само истрајноста ќе ги донесе посакуваните резултати. Исто така не губете трпение, првите резултати од негата ( вежбите и примената на препаратите за нега ) можете да ги очекувате дури после 4 седмици.

ПРЕПАРАТИ ЗА НЕГА 

• млеко со риган за освежување

 Лажичка исецкан риган да се измеша во 1/4 л. млеко. Сипете во шишенце и пред употреба да се протресе. Да се употребува наутро и навечер.

• бадемово масло за мазна кожа

Во 10 лажици бадемово масло, измешајте лажичка масло од матичњак. После туширање благо да се втрие во кожата.

• екстракт од коњско опавче за обликување

Во шоља со зовриена вода ставете лажичка коњско опавче, поклопете и после 10 минути процедете. Во 4 лажици од овој чај да се измеша лажичка тинктура од невен и една жолчка. Навечер да се мачкаат градите.

• лаванда за чистење

Лажица цвет од лаванда да се прелие со шоља зовриена вода  , да се покрие и после 10 минути да се процеди. Две лажици од овој чај  да се измеша во цврсто изматен снег од белки и да се распореди по кожата. После 5 минути да се измие со млака вода.

• крем од павлака

Во 50 ml изматена павлака измешајте 2 лажици чај од слез. Навечер нанесете на кожата.

ПРАВИЛА КОИ ТРЕБА ДА СЕ ПОЧИТУВААТ

• Градник треба задолжително да се носи, и кога градите се мали или големи и ова правило треба да го почитуваат и многу младите девојки. При спортски или рекреативни активности, градникот е исто така задолжителен.
• Мал градник или оној кој не одговара на обликот на градите, па ги притиска исто како и тесна поткошула , блуза, џемпер или фустан, не треба да се носат затоа што градите и заради такво притискање побрзо се отпуштаат.
• При купување на градник строго водете сметка за тоа дека тоа навистина ја исполнува својата намена, не треба градите да ги држи на бретелите, туку да ги поддржува одоздола. Исто така многу е важно, обликот на градникот да одговара на обликот на градите.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКВО ТРЕБА ДА БИДЕ ОСВЕТЛУВАЊЕТО ВО ДОМОТ ?

МАЛИ СОВЕТИ ЗА ТОА КАКВО ТРЕБА ДА БИДЕ 

ОСВЕТЛУВАЊЕТО ДОМА 

Постојаното поскапување на електричната енергија бара од нас да штедиме, но не треба
да се штеди за сметка на нашето здравје. Така  на пример, осветлувањето во домот
додека извршувате некои од домашните обврски, не смее да биде премногу слабо, затоа што
тоа ќе го оштети вашиот вид. Светилка со малку поголема јачина нема да потроши
многу повеќе струја, а ќе ви ги поштеди очите.

ЕВЕ НЕКОЛКУ МАЛИ ПРАКТИЧНИ СОВЕТИ

• за пеглање освен централното осветлување, добро е да имате поставено од левата страна на висина од 1,5 м. , уште една светилка со јачина од 100 w. 
• за шиење е потребна појака светлина, најдобро е да шиете на светилка со јачина од 150 до 200 w.
• кога работите на биро, нешто пишувате или цртате, освен централното светло се препорачува и мобилна столна лампа која треба да стои од левата страна и ќе ја осветлува работната површина.
• за читање е потребна јака светлина, а ако читате во постела ќе послужи и лампа над возглавјето, со јачина од 60 или 75 w.
• не е добро да се гледа телевизија во мрак, се препорачува мала лампа со јачина на светилката од 40 w. 
• во претсобјето на таванот доволна е светилка со јачина од 75 w, но од двете страни на огледалото треба да се постават мали светилки со јачина од 40 до 60 w.
• над работната површина во кујната треба да се постават две неонски цевки со јачина од по 40 w или светилка од 75 w. 

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КОИ СЕ КАРАКТЕРИСТИКИТЕ НА УСПЕШНИТЕ ЖЕНИ ?

КОЈА Е ТАЈНАТА НА УСПЕШНИТЕ ЖЕНИ ?

Сите ние секојдневно се трудиме и сме повеќе или помалку успешни, секој во својата област, но некој навистина се издвојуваат од останатите по нивните забележителни успеси, додека други неможат ниту да си го организираат денот.

Се прашувате која е тајната на овие успешни жени ?

Всушност не постои магично решение за успех, но постојат одредени нешта
кои ги карактеризираат успешните жени.

КОИ СЕ ТИЕ НЕШТА ?

• храброст да се обидат.  

Тие се доволно храбри да се обидат да постигнат одреден успех. Подготвени се да се соочат со предизвиците кои ќе се испречат пред нив. Дури и кога нема да успеат, тие повторно храбро ќе се исправат и ќе продолжат да чекорат по патот на успехот, побогати за едно искуство.

•  добро информирани, едуцирани и со доволно искуство.  

Современиот начин на живот наметнува едно силно темпо кое секоја жена која што сака да биде успешна, мора да го следи и да биде добро информирана, едуцирана и со доволно искуство, ако сака да успее во било која област, затоа што само така ќе може да се избори за место меѓу успешните.

• добро организирани. 

Животот на современата жена е многу динамичен, исполнет со многубројни секојдневни работни и семејни обврски. Жената мора добро да се организира за да може да балансира помеѓу работните и семејните обврски, а со тоа да не се изложува на стресни ситуации кои би имале негативно влијание врз неа. 

• ангажирани.  

Успешните жени се активни на повеќе полиња, а тоа ги одржува да останат упорни и во добра социо-психолошка кондиција. Постојаните ангажмани допринесуваат жената да остане цврста и да не го изгуби интересот за постигнување успех.

• амбициозни.  

Тие се амбициозни и точно знаат што сакаат да постигнат. Ја следат својата амбиција без оглед на тоа што се треба да жртвуваат за да го постигнат посакуваниот успех.

• самоуверени.  

Тие се свесни за своите квалитети и знаат себе си правилно да се вреднуваат, па со тоа се и доволно самоуверени. Кога настапуваат тие се полни со самодоверба која што можеби е клучна за да се биде успешен во било која област.

ЗАТОА НЕ ЧЕКАЈТЕ ! 

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

" ТЕШКО Е КОГА ЌЕ ДОЖИВЕЕТЕ НЕУСПЕХ, НО УШТЕ ПОЛОШО Е , 

АКО НИКОГАШ НЕ СЕ ОБИДЕТЕ ДА ПОСТИГНЕТЕ УСПЕХ. "

                                                                            - THEODORE ROOSEVELT -

5 НЕШТА КОИ ЌЕ ВЕ ОДРЖАТ ВО ДОБРА ФОРМА И НА ЕСЕН ?

КАКО ДА ЈА ОДРЖИТЕ ДОБРАТА ФОРМА И ДОБРОТО 

РАСПОЛОЖЕНИЕ И НА ЕСЕН ?

 Длабоко сме навлезени во есента и полека сончевите денови кои ни ги подари природата си заминуваат, но тоа нека не ве растажува. Постојат начини како да ја сочувате добрата форма и доброто расположение, па дури и ако надвор е многу студено или пак врне дожд.

 Колку и да сте зафатени потрудете се да одвоите време за грижа на вашето тело. Направете се што е возможно за да изгледате привлечно, па дури и обврските да ве притискаат со полна сила, организирајте го вашето време така да ви останат моменти само за себе. За да бидете во хармонија со себе си и со околината, за да бидете енергични и расположени следете ги петте нешта кои ќе ви помогнат да ја одржите добрата форма и доброто расположение на есен.

1. Одржувајте ја вашата фигура. 

 

И покрај секојдневните обврски најдете слободно време за да ја одржите добрата форма, така што ќе излегувате на прошетки во природа барем еден час. Возете велосипед секогаш кога временските прилики ви го овозможуваат тоа, затоа што тоа ги зацврстува мускулите на нозете и на задникот и го активира одбрамбениот механизам на телото. Доколку сакате можете да се обидете и со часови по аеробик, пилатес, зумба, фитнес и сл. Сето ова ќе ви помогне да останете во добра форма и ќе го стимулира доброто расположение.

2. Хранете се здраво. 

За да ги исфрлите токсините од вашиот организам јадете јаболки кои содржат минерали, костени кои се исклучително богати со фосфор, магнезиум и калциум. Не го заборавајте и сезонскиот зеленчук кој ќе ви ја зголеми енергијата, и за добро расположение внесувајте јаглени хидрати.

 3. Потрудете се да го задржите доброто расположение. 

 Наутро кога ќе се разбудите присетете се на 4 пријатни нешта кои ќе го подобрат вашето расположение, а вие ќе се чувствувате поубаво. На пр. насмевката на вашето дете, прекрасните есенски цветови во вашата градина или на тераса, забавните случки кои ги раскажува вашата колешка, топлата бања навечер пред спиење и сл. Обидете се да го задржите убавото расположение преку целиот ден.  Радоста допринесува да се лачат хормоните на среќата. Серотонинот се повишува и вие се чувствувате расположено. По завршувањето на работните обврски релаксирајте се слушајќи музика или гледајте добар филм. 

  4. Не се нервирајте за небитни нешта. 

 Обидете се да не придавате значење на небитни нешта кои може да ви го расипат расположението. Понекогаш се случуваат несакани случки кои можат да ве извадат од контрола , како на пример сте се скарале со продавачката , па целата треперите. Продолжете и не обрнувајте внимание на тоа и слични нешта кои може да доведат до тоа да почувствувате негативна енергија и да влијаат на целото ваше расположение. Сосредоточете се на остатокот од денот и на оние нешта кои ви остануваат како дневни обврски. Секогаш имајте полна концентрација на она што го правите во моментот, апстрахирајќи се од се останато, што е небитно. 

  5. Посветете внимание на вашиот партнер. 

 Многу парови кои се подолго во брак претпочитаат вечерите да ги поминуваат гледајќи телевизија во спалната соба. Телевизорот во спалната соба е убиец на страста, затоа тргнете го и посветете внимание на вашиот сопруг. Разговарајте повеќе, разменувајте нежности и бидете сигурни дека тоа дејствува добро и за телото и за душата.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ