КАКО ДА ПОДГОТВИТЕ КОЛАЧ СО МАК ?

КОЛАЧ СО МАК

250 гр. маргарин се мати со 500 гр. шеќер. Се додаваат една по една 4 жолчки. Потоа се додава 300 ml млеко, 1 пециво, 1 ванилин шеќер, 350 гр. брашно и 250 гр. мак. На крајот се додава снег од 4 белки. Се пече во подмачкан плех со зејтин и брашно. Кога ќе се испече се прелива со чоколадна глазура.

ДОБАР АПЕТИТ !

 

УЛОГАТА НА ЖЕНАТА ВО МАКЕДОНСКОТО ОПШТЕСТВО

КОЈА Е УЛОГАТА НА ЖЕНАТА ВО МАКЕДОНСКОТО ОПШТЕСТВО ?

  Улогата на жената во секое општество е повеќе значајна, гледано во еден поширок контекст на нештата кои што сите нас длабоко не засегаат.

  Правата на жените треба и мора постојано да се унапредуваат. Тие не се и не смеат да бидат категорија која што еднаш за секогаш е регулирана. Легислативата која што ја уредува оваа материја треба постојано да се подобрува и да се менува во таа насока црпејќи искуства од земјите каде што правата на жените се наоѓаат на едно многу позавидно ниво. Пример за такви земји се Шведска, Исланд, Франција и др.

  Повеќе значајната улога на жената во едно општество се огледа во тоа што, таа освен биолошката природа да биде мајка има и други не помалку значајни улоги кои се од голема важност за секоја жена, но и за целокупното општество.

  Унапредувањето на правата на жените не смее да се евалуира само низ бројки. На тој начин се задоволуваме само квантитативно, но неможе да стане збор и за квалитет. Со исполнувањето на квотите за учество на жените во политиката се добива само нивно бројчано присуство, но кога станува збор за квалитативно унапредување на женските права тие , женските пратенички забораваат всушност која е нивната улога во политиката и во општеството.

  Дали е доволна декларативната заложба за подигање на наталитетот во општеството ?

Секако дека не !


 Зошто ?

  Затоа што за да стане збор за зголемување на наталитетот на населението, жената треба да го завземе нај високото место на листата на приоритети во едно општество, односно со менување на политиките да ја добие вистинската улога како општествен чинител од кој што зависи целокупниот напредок на заедницата.
  Жената за да може да балансира помеѓу сите улоги кои ги има, а при тоа ниедна во кои што е инволвирана да не трпи последици, потребно е жената во општеството да се чувствува сигурно, безбедно, ценето, слободно, заштитено, да има право на избор ...................

Како ова и многу повеќе да стане реалност ?

  Еден од одговорите на ова прашање е со менување на позитивното законодавство во правец на негово усогласување со позитивното законодавство на ЕУ, но само ова не е доволно. Потребна е и негова правилна имплементација, за да не би биле овие закони само голо слово на хартија. Понатаму е потребна постапна промена на перцепцијата за жената, која што нај прво треба да започне од секоја жена како индивидуа, па понатаму во нивно здружување и заеднички настап пред институциите, каде што ќе бараат унапредување на женските права. 

  Бидејќи ние се уште сме општество каде робуваме на стереотипи, каде секојдневно сме осудувани за одредени наши постапки, како во семејните односи, на работните места, во политиката, како и во секојдневието, почетокот на промените треба да започне од секоја жена како индивидуа, да има јасен и недвосмислен став за сите сегменти од општествениот живот.

  Добро организираното општество и улогата на жената во него, се во директна корелација.

  Само општество кое почива на здрави основи е општество кое што може на жената да и понуди конкретна, а не само декларативна заштита, сигурност, слобода, право на избор, среќа итн. 

  Само на тој начин жената ќе може да се реализира себе си во правата смисла на зборот, а во едно да ја завземе и вистинската улога во македонското општество, улога на општествен чинител во насока на подобрување на општествените текови.

"ПРЕД СЕ, БИДЕТЕ ХЕРОИНА НА ВАШИОТ ЖИВОТ, А НЕ ЖРТВА."

                                                                                    - NORA EPHRON -

КАКО ДА ПОДГОТВИТЕ ОБЛАНДИ СО ЧОКОЛАДЕН ФИЛ ?

ОБЛАНДИ СО ЧОКОЛАДЕН ФИЛ

ПОДГОТОВКА

6 јајца се матат со вилушка и се додава 300 гр. шеќер, па се става на пареа. Потоа се додаваат три чоколади да се растопат, па се трга на страна и се става една коцка маргарин (250 гр.) да се стопи. Потоа со миксер се мати смесата неколку пати додека  се олади  и  се стегне.Откако филот ќе се олади и стегне се филуваат обландите.



ДОБАР АПЕТИТ !

КАКВА МОЌ ИМА ЛУКОТ ?

ЧУДОТВОРНОТО ДЕЈСТВО НА ЛУКОТ

 Лукот е чудотворен природен лек. Тој од дамнешни времиња се користел како лек за низа заболувања. Лукот е докажан антибиотик со широк спектар, кој делува на бактериите, цревните паразити и вирусите. Го снижува крвниот притисок и холестеролот во крвта . Две или три че шниња на ден кај срцевите болни за половина ги смалува можностите за нови срцеви напади. Содржи повеќе антиканцерогени супстанци и антиоксиданси. Лукот е храна која има силно дејство во спречување на рак. Тој е добар лек за настинка. Го намалува отокот на слузокожата, го поттикнува искашлувањето, делува против спазма и воспаление.Го јакне имунитетот и има естрогенско и диуретско дејство. Го подобрува расположението и има благо смирувачко дејство. 

За да биде делотворен против бактериите подобро е да се конзумира сиров. Како борец против ракот, сировиот или закиселен лук може да делува подобро од варениот, сметаат некои експерти.

За повеќекратна заштита јадете го лукот и сиров и варен.

ЗАТОА НЕ ЧЕКАЈТЕ ! 

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА ПОДГОТВИТЕ БАЈАДЕРИ ?

БАЈАДЕРИ

ПОДГОТОВКА

800 гр. шеќер со една чаша вода само да проврие. 300 гр. бисквити мелени и 300 гр. ореви. Целата смеса се дели на два дела, во едниот се става 1 лажица какао , па се реди прво кафеав дел, па потоа бел дел, а од горе чоколадо за глазура со една капка масло или лажиче путер, за да има сјај глазурата.

ДОБАР АПЕТИТ !

КАКО ДА ПОДГОТВИТЕ ГРЧКА БАКЛАВА ?

СОСТОЈКИ

500 гр. кори за баклава (ВЕРО), се мешаат 400 гр. толчени ореви и 100 гр. рендано чоколадо, 250 гр. путер и 6 лажици масло.

ШЕРБЕТ : 700 гр. шеќер и 500 ml вода

ПОДГОТОВКА

Секоја кора се дипли на половина, се ставаат две лажици од измешаната смеса од ореви и чоколадо, се витка што е можно постегнато и се редат на подмачкан плех. Пожелно е да се намачкаат со масло во самото редење помеѓу корите. Се сече баклавата и се полева со истопен путер и масло. Се пече во загреана рерна на 200-250 степени околу 10-15 минути дури се зацрвени. Жешка баклавата се попарува со врел шербет.

ДОБАР АПЕТИТ !

КАКО ДА ПРИПРЕМИТЕ СУПА СО ВКУСНИ ДОМАШНИ КНЕДЛИ ?

СУПА СО ДОМАШНИ ВКУСНИ КНЕДЛИ

СОСТОЈКИ

6 лажици гриз, 1 јајце, магдонос, бибер, 1 лажиче масло, сода бикарбона на врвот од нож и вегета.

ПОДГОТОВКА

Од смесата која сте ја подготвиле земате со натопено лажиче мала количина и ја ставате во зовриена вода. Постапката се повторува . Се вари на тивок оган околу 10-15 минути. На крајот додадете сув магдонос.

ДОБАР АПЕТИТ !

НЕШТА КОИ ВИСТИНСКИТЕ ПРИЈАТЕЛИ НИКОГАШ НЕ ГИ ПРАВАТ !

ШТО ПОДРАЗБИРА ВИСТИНСКОТО ПРИЈАТЕЛСТВО ?

Пријателството претставува интер персонална врска помеѓу две или повеќе личности. Тоа е врска која се базира на одредена наклонетост, меѓусебно почитување, толеранција, искреност, помагање, заеднички интереси за одредени нешта и др.

Пријателите се нашето богатство, затоа пријателството треба да го негуваме. Богат си онолку колку што имаш пријатели.

Вистинските пријатели ќе бидат со нас и кога не грее сонце и кога ни леат дождови.

Има нешта кои што вистинските пријатели, никогаш не би ви ги направиле.

Се прашувате кои се тие нешта ! 

• Никогаш нема на ироничен или саркастичен начин да ви забележуваат за вашите одредени недостатоци. Вистинскиот пријател ќе ве прифати точно онакви какви што сте, затоа што никој не е совршен. Вистинскиот пријател треба да ги истакнува вашите квалитети, а никогаш вашите недостатоци дури и кога тоа го прави во задскриена форма на забелешка.
• Никогаш нема да се дистанцираат од вас кога минувате низ одреден тежок период од животот, со изговор како се презафатени и немаат воопшто слободно време, а кога се наоѓате во стабилен период тие секогаш се блиску до вас и им годи вашето друштво. Тоа покажува дека постои само едностран интерес и искористување .Вистинскиот пријател никогаш не би се однесувал така.Ваквото пријателство стои на стаклени нозе кои можат во секој момент да се скршат и пријателството да заврши.

"ПРОМЕНЛИВАТА СРЕЌА ЈА ТЕСТИРА ЛОЈАЛНОСТА НА ПРИЈАТЕЛИТЕ."

                                                                                                          - CICERO - 

• Никогаш нема да ве омаловажува, со цел себе си да се истакне во одредено друштво на пријатели или колеги.Вистинските пријатели треба меѓусебно да се почитуваат и да го негуваат пријателството, а воедно и квалитативно да го унапредуваат. Со секој изминат ден, меѓусебното почитување и взаемната доверба треба да се зголемува.Оној кој ја користи секоја прилика за себе истакнување, неможе да биде ваш пријател.
• Никогаш нема да ги руши вашите амбиции, нема да ве одвраќа од тоа да ги искористите сите ваши расположиви потенцијали за да постигнете напредок во вашиот живот.
• Никогаш нема да ве обесхрабрува кога вие имате некоја ваша замисла и ваша цел до која сакате да стигнете.Вистинскиот пријател никогаш не би ви бил пречка на патот до успехот.
• Никогаш нема да ве враќаат во минатото, постојано повторувајќи ви ги грешките кои некогаш сте ги направиле. Вистинскиот пријател секогаш ќе ги прифати промените во вашиот живот и ќе разбере дека вашите грешки од минатото се една фаза од животот која вие успешно сте ја надминале. Оној  кој тешко ги прифаќа промените кај другиот не може да биде ваш пријател.
• Никогаш не го зборуваат само она што вие сакате да го слушнете. Тие задскривајќи ја вистината за тоа што навистина мислат, не ве почитуваат вас, туку тоа го прават од свои сопствени интереси.Оној кој на пријателството гледа како на нешто од што може да извлече некаква корист и постојано калкулира и манипулира со вас, не може да биде ваш пријател.
• Никогаш не би се однесувал така како да ги знае решенијата за сите ваши проблеми, па од едни проблеми ве турка во нови. Примете совет, но секогаш послушајте го вашето срце и душа, и донесете своја сопствена одлука. Не дозволувајте други да ви кажуваат што да правите и да одлучуваат во ваше име. Вистински пријател е оној кој е со вас кога ви е тешко и знае да ве ислуша и да ви даде вистинска поддршка да истраете.Пријател кој постојано мудрува и смета дека ги знае одговорите за сите ваши проблеми, а вие сте тој кој ништо не знае, не може да биде ваш пријател.
• Никогаш нема да ве користи само за свои сопствени интереси, а кога интересот ќе заврши ќе заборави на вас.За да не дозволите вакво нешто да ви се случува , треба да поставите јасни граници за тоа што прифаќате или не прифаќате во пријателскиот однос. Пријателите кои вака се однесуваат со вас, не можат да бидат ваши пријатели, и за да секој нареден пат не се почувствувате искористени и отфрлени, потребно е да се ослободите од нив.
• Никогаш нема да ве контролираат и никогаш нема да навлегуваат во оној дел од вашата интима, кој вие не сакате да го споделувате.Оној кој постојано ја нарушува вашата приватност и бара од вас детали за се што ви се случува во вашиот живот, неможе да биде ваш пријател.

• Никогаш нема да ви наметнуваат свои правила, навики и модел на однесување. Никогаш нема да ви наметнуваат стресни обврски.Вистинскиот пријател никогаш нема да се однесува така да вие го чувствувате како товар кој го носите на грб. Пријателството подразбира слобода. Пријателот кој постојано ви наметнува обврски кои за вас се стресни неможе да биде ваш пријател.

 

 "ПРИЈАТЕЛ ВИ Е ОНОЈ КОЈ ВИ ДАВА ТОТАЛНА СЛОБОДА ДА БИДЕТЕ, ОНОЈ КОЈ ВСУШНОСТ СТЕ."

                                                                                                  - JIM MORRISON -

    

КОИ СЕ ЗНАЦИТЕ ЗА ДЕПРЕСИЈА КАЈ МЛАДИТЕ ?

КАКО ДА ЈА ПРЕПОЗНАЕТЕ ДЕПРЕСИЈАТА КАЈ МЛАДИТЕ ?

Депресијата кај младите односно тинејџерите може да биде сериозен здравствен проблем, кој што во некои случаи неможе да помине само со јака волја, туку бара соодветен лекарски третман. Депресијата иако може да се јави во било кој момент од животот, постои разлика во симптомите помеѓу возрасните и тинејџерите. Карактеристично за депресијата кај тинејџерите е тоа што се појавува чувство на тага кое е константно и се губи интерес за било каква активност. Депресијата влијае на нивното мислење, однесување, а може да предизвика и емоционални, функционални и физички проблеми, истакнуваат психолозите. Одредени проблеми со кои што се соочуваат младите, како на пример, притисок од врсниците, неуспехот на училиште додека од нив се очекува успех, пубертетот и со тоа промени во физичкиот изглед, може да предизвикаат бура во емоционалниот живот кај младите. Кај некои тоа ќе биде минлива фаза од животот, додека кај други тоа ќе бидат знаци на кој ќе мора да се обрне внимание и да се реагира. Депресијата бара долготрајно лечење.

ЗНАЦИ ПО КОИ ЌЕ ЈА ПРЕПОЗНАЕТЕ ДЕПРЕСИЈАТА 

КАЈ ТИНЕЈЏЕРИТЕ

1. ЕМОЦИОНАЛНИ ПРОМЕНИ 

• чувство на тага и плачење без причина
• губење интерес за пријателите и семејството и чести конфликти со нив
• чувство на безвредност и вина
• губење интерес за било каква активност
• проблеми со концентрацијата
• раздразливост, фрустрација

2. ПРОМЕНИ ВО ОДНЕСУВАЊЕТО

• губење на апетит или зголемена желба за јадење
• премалку или премногу сон
• употреба на алкохол или дрога
• умор
• слаб успех на училиште или пак чести изостаноци
• запуштен изглед
• самоповредување
• многу чести жалења на болки во телото и главоболки
• забавено размислување, говор или движења на телото
• чести размислувања за самоубиство

За лекување на овие симптоми на депресија кај тинејџерите, неопходно е да посетат психијатар или психолог за да бидат правилно третирани и излечени !

КАКО ФИЗИЧКОТО КАЗНУВАЊЕ НА ДЕЦАТА, ВЛИЈАЕ ВРЗ НИВНИОТ РАЗВОЈ ?

КАКВИ СЕ ПОСЛЕДИЦИТЕ ОД ФИЗИЧКОТО КАЗНУВАЊЕ НА ДЕЦАТА?

Одреден број родители се уште сметаат дека ќотекот излегол од рајот. Тие воопшто не го ни поставуваат прашањето, дали физички да го казнат сопственото дете или не,  сметајќи дека со тоа градат родителски авторитет, воопшто несвесни за последиците што физичкото казнување ги предизвикува.

Многу од децата во некој период од нивниот живот физички се казнувани. Истражувањата на универзитетот Колумбија покажале дека физичкото казнување доведува до одредени проблеми во однесувањето во иднина. Истражувачите откриле дека децата кои физички се казнувани во раното детство, се со поголема веројатност на поголеми години да се однесуваат агресивно и да имаат посиромашен вокабулар, за разлика од нивните врсници кои не се физички казнувани.Се уште многу родители неможат да прифатат дека физичкото казнување е лошо за децата . Тоа е најверојатно така, затоа што и тие имале такво искуство како деца, па тоа несвесно го применуваат на своите како воспитна мерка.



"ДЕЦАТА НА ПОЧЕТОКОТ ГИ САКААТ СВОИТЕ РОДИТЕЛИ, КАКО ШТО РАСТАТ И СЕ ПОВОЗРАСНИ ТИЕ ИМ СУДАТ, А ПОНЕКОГАШ ИМ ПРОСТУВААТ."

OSKAR WILDE             

 

КАКВА МОЌ ИМА КАФЕТО ?

КАКО ДЕЛУВА КАФЕТО ВРЗ НАШЕТО РАСПОЛОЖЕНИЕ ?

Кафето е моќен напиток кој на милиони луѓе им причинува особено задоволство. Познато е дека кофеинот делува на психата има способност да го подобри расположението. Многумина што конзумираат кафе можеби и незнаат за неговата корисност, доколку тоа го прават во разумни количини. Кафето ни дава енергија кога сме мрзеливи односно безволни, делува како стимуланс, ја подобрува концентрацијата, а помага и за подигнување на расположението или блага форма на депресија која не е потребно да се лекува со други лекарства. Затоа воопшто не е чудно, што толку многу луѓе во светот уживаат да пијат кафе.

Доволна е само една шоља кафе наутро , за да ве подигне и да ви го поправи расположението.Правени се разни истражувања за тоа како делува кофеинот. Доктор Baum професор на воениот медицински универзитет , Мериленд, вршел истражувања со помош на слепи тестови на 48 големи уживатели на кафе. Оние утра кога испитаниците добивале кафе или чај без кофеин, се разбира без тие да знаат за тоа, тие биле мрзеливи, нервозни, безволни, се жалеле на главоболка и лошо ги завршувале задачите кои што барале вклучување на ментална активност. Оние денови пак кога без нивно знаење им е давано кафе со кофеин, тие биле подобро расположени, помалку напнати, а покажувале и подобра ментална способност.

ВНИМАВАЈТЕ !

ПРЕМНОГУ КОФЕИН МОЖЕ ДА ВИ ГО РАСИПЕ РАСПОЛОЖЕНИЕТО, ДА ВЕ НАПРАВИ НАПНАТИ И НЕРВОЗНИ, НО ОВА ЗАВИСИ ОД ТОА СЕКОЈА ИНДИВИДУА КАКО ЈА ПОДНЕСУВА ОВАА СУПСТАНЦА.

Значи : Малите дози може да ви го подобрат расположението и работните способности, а големите дози кафе може да бидат штетни за вашата психичка и општа состојба.

"АХ, КАФЕ. СЛАДОК МЕЛЕМ КОЈ ЌЕ НИ ПОМОГНЕ ДА ГИ ИЗВРШИМЕ СИТЕ РАБОТНИ ЗАДАЧИ ЗА ДЕНЕС."

HOLLY BLACK, IRONSIDE

ПОСТОИ ЛИ КРИЗА НА СРЕДНИ ГОДИНИ ?

ШТО Е ТОА КРИЗА НА СРЕДНИ ГОДИНИ ?

Кризата на средни години претставува само еден период од нашите животи, кога ние размислуваме, се преиспитуваме и резимираме, што се сме направиле и постигнале во животот. Многумина ќе бидат задоволни од своите животни успеси, а многумина не. Вторите кога само ќе помислат  на тоа колку години имаат, ќе сфатат дека се наоѓаат во криза на средни години,па ќе се почувствуваат незадоволно. 

ПОСТОИ ЛИ КРИЗА НА СРЕДНИ ГОДИНИ ?

Кризата на средни години не е ништо друго, освен едно од раздобјата во нашите животи кое што бара од нас прилагодување на возраста или нова енергија и напредок. Таа е само премин од едно во друго животно доба и ништо повеќе од тоа.

ЕВЕ НЕКОЛКУ ПРЕДЛОЗИ КАКО ПОЛЕСНО ДА ЈА НАДМИНЕТЕ ОВАА ФАЗА ОД ЖИВОТОТ

1. Никогаш не потенцирајте ги своите години!

Не размислувајте постојано за возраста, правејќи го тоа вие неизбежно стареете. Дозволете си слобода да се однесувате младешки. Иако се наоѓате во вашата на пр. 45-та година од животот, само од вас зависи како ќе се чувствувате и како ќе делувате. Годините не треба да бидат пречка за да бидете исполнети со младешки дух.

2. Не идеализирајте го минатото! 

Многу пати сте ги слушнале и употребиле овие зборови: ах, тоа беа времиња, во мое време или пак, ах сега да бев помлад-а , знам како треба, но дали навистина на младите им оди се така лесно од рака. Нив ги краси младоста и ентузијазмот, но им недостасува доволно животно искуство па, неможат така едноставно да ги надминат предизвиците со кои се соочуваат и многу често се чувствуваат незадоволни. Луѓето на средни години, пак може да поседуваат младешки дух, но и доволно животно искуство за да делуваат и да направат прогрес во нивните животи.

3. Не си префрлајте себе си дека ништо не сте направиле во животот. 

Не постојат правила според кои на возраст од 40 и некоја година , мора да имате заработено многу или да имате семејство. Секој човек делува кога ќе се почувствува спремен за тоа. Ценете го тоа што го имате, а со помош на животното искуство делувајте и остварете прогрес.

  

Никогаш не е доцна за прогрес ! 

Никогаш не престанувајте да чекорите по патот на успехот !

 

4. Дајте се од себе и уживајте во годините кои што ги живеете. 

Секое животно доба има свои предности и свои недостатоци.

5. Никогаш не велете дека е предоцна за се ! 

Никогаш не е доцна да делувате и да постигнете напредок. Никогаш не е доцна да направите промени кои што позитивно ќе влијаат врз вас. Не постои лошо или добро време за почеток. Секое животно доба е вистинското време за промени. Она што е потребно е да имате силна желба за тоа и да делувате. Само така, без разлика на вашите години, вие ќе можете прогресивно да живеете.

        На крајот, за да вашиот живот биде исполнет, а вие да се чувствувате задоволни и среќни, нека вашите средни години бидат вашиот предизвик и предност, а не недостаток !

-ЖИВОТОТ Е КАКО ДА ВОЗИТЕ ВЕЛОСИПЕД. ЗА ДА БАЛАНСИРАТЕ, ВИЕ МОРА ДА ПРОДОЛЖИТЕ ДА ГИ ВРТИТЕ ПЕДАЛИТЕ И ДА ПРОДОЛЖИТЕ ДА СЕ ДВИЖИТЕ. -

ALBERT EINSTEIN

КАКО ДА ГО НАУЧИТЕ ВАШЕТО ДЕТЕ ДА ЈА САКА МАТЕМАТИКАТА ?

КАКО ДЕЦАТА ДА ЈА ЗАСАКААТ МАТЕМАТИКАТА ?


Како што ние возрасните треба да бидеме мотивирани за да го дадеме нај доброто од себе, така е и со нашите деца. Тие не се ништо поразлични од нас возрасните. Ние како родители треба да се трудиме да ги мотивираме нашите деца. За децата е важно да ја потхрануваме нивната самодоверба. Учењето математика треба да започне уште од најмала возраст. Математиката за многу деца е тешка и здодевна, но таа може да биде забавна и интересна, доколку децата ја учат од најрана возраст преку игра и забава. 

 

ЕВЕ НЕКОЛКУ ПРЕДЛОЗИ КАКО ВАШЕТО ДЕТЕ ДА ЈА ЗАСАКА МАТЕМАТИКАТА

1. Преку играње игри. Шахот е една од игрите која што помага, децата да планираат стратегии брзо да пресметаат и да го направат следниот потег. Тие треба брзо да размислуваат, а со тоа нивниот ум се изострува и тие се способни за брза реакција.

Играњето со топка исто така може да биде извор од кој децата учат математички вештини.

2. Децата треба секојдневно да го осознаваат светот, со тоа што во секоја згодна прилика би биле надвор, на пример на прошетки, посета на театри, музеи, патувања и др. На тој начин детето не е изолирано, туку има директна врска со реалниот свет, преку што тоа осознава и учи како да резонира, а со тоа ја јакне и самодовербата која што во математиката е толку многу потребна.

Играта и релаксираната средина го прави учењето математика многу полесно.

3. Преку математиката се подобрува меморијата. Со повторување на одредени проблеми и нивно решавање, децата меморираат, па во друга прилика кога пред нив ќе се исправи нов проблем, тие ќе се способни да се справат со него, што значи градат долгорочна меморија.

4. Децата преку математиката учат да поставуваат цели, а вие мотивирајте го вашето дете да ја постигне целта. Децата треба да си постават цел и да имаат замисла како да ја решат зададената задача. Секогаш започнете со поедноставни задачи. Откако вашето дете ќе ја реши задачата одете на малку повисоко ниво. Значи она што треба да го направите е постапно детето да преминува од едно ниво на тежина на решавање математички задачи во друго со поголема тежина. Тоа ќе го научи вашето дете да си поставува цели и да работи на нивно реализирање, а со тоа ќе чувствува задоволство и самопочит.

5. Користете веб-страници и блогови кои што ви се на располагање, а обработуваат математички теми. Многу од овие веб-страници имаат математички забавни игри, логички игри и активности за деца поврзани со математиката.

6. Секогаш наградете го вашето дете со пофални зборови, и одберете згодно место во домот за да ги истакнете достигнувањата на вашето дете, за да тоа секогаш може да го види сработеното.Покажете му на вашето дете дека се гордеете со него. 

7. Математички вештини може да стекне вашето дете и преку учење историја и географија, преку користење разни мапи и географски карти.Учејќи како да ги користи односно да ги чита мапите, да најде информација за локација, растојанија и др. , не само што учи за светот туку учи и математички вештини.

8. Математика може да се учи и преку музика. Доколку вашето дете посетува часови по гитара, пијано или друг инструмент , тоа не учи само музика туку и математика, но на поинаков начин. Секој вид на музика бара одреден вид математички вештини.

9. Учете математика со вашето дете преку приказни, гатанки, досетки, шеги и логички вежби. Преку приказните и гатанките децата ја учат основата на математиката. Тие уживаат во приказните и гатанките, а на тој начин би ја засакале и математиката.

10.Овозможете му соодветен простор на вашето дете, за да ја напише домашната задача по математика, на тој начин мотивирајте го добро да се организира, а не својата домашна да ја пишува на подот слушајќи музика. На тој начин детето при пишување на домашната би имало добри услови да се сконцентрира и успешно да ја сработи домашната задача.


АКО ЛУЃЕТО НЕ ВЕРУВААТ ДЕКА МАТЕМАТИКАТА Е ЕДНОСТАВНА, ТОА Е САМО ЗАТОА ШТО ТИЕ НЕ СВАТИЛЕ КОЛКУ ЖИВОТОТ Е КОМПЛИЦИРАН.

JOHN VON NEUMANN

КАКО ДА ГО МОТИВИРАТЕ ВАШЕТО ДЕТЕ ?

ДАЛИ ДЕЦАТА СЕ МРЗЛИВИ ПО ПРИРОДА ?

ДЕЦАТА ПО СВОЈАТА ПРИРОДА НЕ СЕ И НЕ МОЖЕ ДА БИДАТ МРЗЕЛИВИ !

Ако вашето дете изгледа мрзливо и не си ги извршува своите обврски тогаш најверојатно тоа е знак дека нешто не во ред.

ШТО БИ МОЖЕЛО ДА БИДЕ ТОА ?

Само едно нешто може да предизвика мрзеливост кај вашето дете, а тоа е :

НЕДОСТИГ НА МОТИВАЦИЈА!

Детето кое што на изглед е мрзеливо е само демотивирано дете. Демотивираното дете чувствува страв при помислата од неуспех, и тоа не прави ништо за да го избегне неуспехот.
Ние како родители секогаш треба да се обидеме да ги мотивираме нашите деца, а кога ќе почувствуваме одредена мрзеливост кај нив да се обидеме да го дознаеме изворот на демотивацијата.
Најчеста причина за мрзеливост е недостиг на самодоверба или многу ниско ниво на самопочитување кај децата.
За разлика од демотивираните деца, децата со висока самодоверба и самопочит се високо мотивирани да постигнат успех.

ЕВЕ НЕКОЛКУ ПРЕДЛОЗИ КАКО ДА ГО МОТИВИРАТЕ ВАШЕТО ДЕТЕ

  1. Доколку вашето дете не си ги извршува своите обврски и се однесува неодговорно, тогаш вие она што треба да го направите е да го казните. Никогаш не казнувајте го вашето дете одземајќи му ги нештата кои му се неопходни за раст и развој, како на пр: храна, облека и други основни потреби на детето, но на пример забрана за гледање телевизија, играње видео игри, мобилни телефони и сл. не се неопходно потребни, а на вашето дете толку многу му значат. Можете овие нешта да му ги понудите како привилегија која што треба да ја заработи, или доколку веќе ги има овие нешта и ужива во нив, а одбива да ги изврши своите обврски, да му ги одземете, па потоа да му дадете шанса повторно да си ги добие назад, доколку е одговорно кон своите обврски.

  2. Извор на  мотивација за вашето дете може да бидат, искажаните пофални зборови од ваша страна, секогаш кога детето ќе заврши некоја своја обврска. Пофалните зборови искажани од вас, може да влијаат позитивно за зајакнување на самодовербата на вашето дете.

Дајте му до знаење на вашето дете дека е во ред тоа да не успее некогаш, па и повеќе пати, но не е во ред постојано да не прави ништо и да бележи постојани неуспеси. Споделете со вашето дете некој од вашите неуспеси за да тоа преку пример увиди дека неуспехот постои и дека не му се случува само нему.

  3. Бидете посветен родител и секое слободно време поминувајте го квалитетно со вашето дете, за да тоа не почувствува недостиг од внимание кое што би го надополнило со мрзеливост. 

Детето може да биде мрзеливо, поттикнато од внатрешните и надворешните влијанија  кои што допринесуваат тоа да биде неактивно односно демотивирано. Значи важна е животната средина во која што се наоѓа детето.

Мрзеливоста кај децата, мислам дека не е вродена особина и ние како родители треба да се потрудиме да ги мотивираме нашите деца да бидат активни, да се научат како да се соочат со неуспех, а како да се борат да постигнат успех. Со тоа нивната самодоверба ќе расте, а нивото на самопочит постојано ќе биде во нагорна линија.

ДОКОЛКУ НИЕ НЕ СМЕ ВО МОЖНОСТ ДА СЕ ПОДГОТВИМЕ ЗА ИДНИНАТА НА НАШИТЕ ДЕЦА, ТОГАШ БАРЕМ ДА ГИ ПОДГОТВИМЕ НАШИТЕ ДЕЦА ЗА ИДНИНАТА. 

FRANKLIN D. ROOSEVELT

 

КАКО ДА СЕ МОТИВИРАТЕ СЕБЕ СИ ?

ШТО Е ТОА ШТО МОЖЕ ДА ВЕ МОТИВИРА ?

     1.  Најпрво треба да откриете што навистина сакате. Послушајте го вашиот внатрешен глас за да откриете што е тоа.

     2.  Откако јасно ќе ги дефинирате вашите желби, зацртајте ги своите цели. Не е доволна    само желбата. Вашата желба треба да ја чувствувате како страст, како нешто без што неможете.

 

      3.  Бидејќи мотивацијата е процес кој трае и постапно доведува до крајниот успех, следно нешто што треба да направите е акционен план.

ЛУЃЕТО КОИ НЕ СЕ СПОСОБНИ ДА СЕ МОТИВИРААТ СЕБЕ СИ МОРА ДА СЕ СООЧАТ СО ПРОСЕЧНОСТ, БЕЗ РАЗЛИКА НА ТОА КОЛКУ СЕ ИМПРЕСИВНИ НИВНИТЕ ДРУГИ ТАЛЕНТИ.

ANDREW CARNEGIE

 

      4.  За да стигнете до крајната цел вие мора да се движите со разумни чекори, во спротивно нетрпеливоста ќе биде вашиот најголем непријател. Таа може само побрзо да ве одвлече од крајната посакувана цел.

      5.  Следете го вашиот акционен план и не правете големи паузи во преземањето на одредени чекори, затоа што секое одлагање ја зголемува вашата несигурност, ја намалува вашата страст за исполнување на вашите желби, а со тоа вие ќе се соочите со недостиг од мотивација.

      6.  Вашите мисли нека бидат постојано сосредоточени на тоа што го посакувате, односно на крајната цел која си ја имате зададено. Размислувајте за тоа и визуелизирајте. Додека патувате до вашата крајна дестинација, а тоа е исполнување на вашата неодолива желба, вие постојано треба да се потсетувате на вашите веќе постигнати успеси. Тоа ќе ви помогне да ја потхраните вашата самодоверба која ќе ви овозможи храбро да чекорите кон целта. 

       7.  Менувајте ги вашите веќе востановени навики. Јасно е дека тие тешко се менуваат, но сепак тоа е возможно. Не дозволувајте вашите секојдневни навики да му попречат на вашиот процес на мотивација.

   

   
        8.    Бидете упорни !
  Истрајноста е таа која што ќе ве доведе до посакуваната цел. Нормално е да се соочите со поголеми или помали проблеми на патот до целта, но издржете и не се откажувајте, при првата препрека на патот, затоа што само упорните успеваат. Кога ќе почувствувате недостиг од мотивација предизвикан од одредена препрека вашите мисли насочете ги кон крајната цел и придобивките од неа. Постојано мислете на тоа како сте успеале и останете доволно мотивирани.

ЗАТОА ПРЕЗЕМЕТЕ АКЦИЈА !

Преземете разумни чекори со кои ќе се движите напред кон посакуваната цел и бидете упорни затоа што само упорноста е клучот со кој ќе ја отворите вратата на успехот. 

НИКОГАШ НЕ ОТКАЖУВАЈТЕ СЕ !

ОСТАНЕТЕ МОТИВИРАНИ !

За тоа што е тоа што може да ве демотивира читајте во постот со наслов:

ШТО Е ТОА ШТО МОЖЕ ДА ВЕ ДЕМОТИВИРА ?

ШТО Е ТОА ШТО МОЖЕ ДА ВЕ ДЕМОТИВИРА ?

ШТО Е ТОА МОТИВАЦИЈА ?

Мотивацијата може да се дефинира како преземање иницијатива во правец на исполнување на нашите желби, посакувања и зацртани цели во склад со внатрешните и надворешните фактори кои влијаат на интензитетот на нашата мотивираност.

Мотивацијата претставува една наша внатрешна движечка сила која што ги активира, односно ги покренува сите наши расположиви потенцијали кој би не довеле до остварување на посакуваните нешта.

Мотивацијата претставува и процес кој започнува најпрво со неодолива желба за да промениме нешто кај себе, а потоа со носење одлука за преземање акција.

ШТО Е ТОА ШТО МОЖЕ ДА ВЕ ДЕМОТИВИРА ?

Она што може да не демотивира се наоѓа во самите нас. Една од причините е стравот од неуспех. Според мене ова претставува и главна причина за недоволна мотивација. Чувството на страв е во директна корелација со демотивираноста.Тие се обратно пропорционални, колку повеќе расте чувството на страв од неуспех за толку се намалува интензитетот на мотивацијата. Чувството на страв исто така има допирни точки со нискиот степен на самодоверба и нискиот степен на самопочит.

КОГА ЌЕ ГО НАПРАВИТЕ ОНА ОД ШТО НАЈМНОГУ СЕ ПЛАШИТЕ, ТОГАШ ВИЕ МОЖЕТЕ ДА НАПРАВИТЕ СЕ ШТО ЌЕ ПОСАКАТЕ

STEPHEN RICHARDS

Следна причина која што не демотивира е нашата расеаност во мислите. Тоа се случува кога имате одредени желби, но тие не се доволно јасно дефинирани. Со други зборови вие воопшто не сте сигурни што навистина сакате. Во ваков случај кога вие воопшто не сте сигурни што навистина сакате тогаш неможете ни да се мотивирате.

Следна причина за недостиг на мотивација се веќе востановените навики од кои така лесно не сакате да се откажете.Овие секојдневни животни навики кои што ги применувате, ви даваат едно чувство на сигурност и удобност, но ве оттргнуваат од тоа да се мотивирате себе си во насока на исполнување на вашите посакувања, желби, потреби итн.

Исто така колку повеќе го одложувате почетокот за преземање акција вашата несигурност за тоа што всушност сакате расте и вие ќе се соочите со недостиг на мотивација.

 
ДАЛИ Е ВОЗМОЖЕН ПРОГРЕС ВО НАШИТЕ ЖИВОТИ БЕЗ ДОВОЛНА МОТИВАЦИЈА ?

Одговорот на ова прашање е НЕ.

ЗОШТО ?

Затоа што ништо не доаѓа само од себе. Како што на нашето тело му е потребна храната, сонот и водата за да функционира, така и на нашата душа и е потребна енергија за да го вклучи нашиот духовен мотор кој ќе ни даде сила, храброст и мудрост да ги оствариме нашите посакувани цели, а со цел да чувствуваме задоволство од нашите постигнувања.
За било што да посакаме потребна ни е движечка енергија која ќе не води напред, во спротивно ќе останеме заробени од нашите негативни мисли, како ете ние немаме среќа да живееме живот исполнет со задоволства.Таа движечка сила без која нема прогрес во нашите животи се вика мотивација.

 ЗОШТО НА СИТЕ НАС ТОЛКУ МНОГУ НИ Е ПОТРЕБНА МОТИВАЦИЈА ?

На сите нас мотивацијата ни е толку многу потребна, затоа што сите ние имаме свои желби кои очекуваме да ни се исполнат, но потребна ни е и надеж, вера и причина да се живее. Сето ова без доволна мотивација е невозможно да се оствари.
Мотивацијата се состои од акција, интензитет и упорност. Сите овие нешта треба да ги барате кај себе без да очекувате некој друг да изврши одредено влијание врз вас, односно да очекувате дека некој друг ќе ја заврши работата наместо вас.

СЕ ПРАШУВАТЕ ШТО Е ТОА ШТО МОЖЕ ДА ВЕ МОТИВИРА

ПРЕДЛОЗИТЕ СЛЕДАТ ВО СЛЕДНИОТ ПОСТ СО НАСЛОВ 

КАКО ДА СЕ МОТИВИРАТЕ СЕБЕ СИ ? 

ЧОКОЛАДНИ КОЛАЧИ СО ПРЕЛИВ

СОСТОЈКИ

250 гр. чоколадо, 6 јајца, 250 гр. шеќер, 315 гр. печени и крупно сецкани лешници, лажица рум
ЗА ПРЕЛИВ: 100 гр. бело чоколадо, 50 гр. путер

ПОДГОТОВКА

Чоколадото издробете го на коцки во огноотпорен сад, а него ставете го во тенџере наполнето со вода. Варете го чоколадото на пареа, со постојано мешање, додека не се растопи.Тргнете од оган и оставете да се олади. Матете ги жолчките со шеќерот додека смесата не стане целосно густа. Потоа додадете растопено чоколадо, лешник кој е предходно испечен и крупно исецкан и рум. Потоа измешајте со цврсто изматени белки, со дрвена лажица. Истурете го тестото во подмачкана округла модла, со дијаметар 23 cm и печете 50 минути на 190 степени. Оставете го колачот во модлата да се олади, потоа извадете. Непосредно пред служење посипете го колачот со шеќер во прав.
ЗА ПРЕЛИВ : Добро измешајте бело чоколадо и путер, а потоа нежно со шпатула нанесете преку колачот или формирајте топчиња кои ќе ги служите со исечени парчиња колач.


ДОБАР АПЕТИТ !

ЗАЧИНЕТ ЛОСОС

СОСТОЈКИ

800 гр. филети лосос, крупно мелен бибер, сол, маслиново масло, сончогледово масло, 500 ml томатело, 1 кг. кромид, нане и оригано.

ПОДГОТОВКА

Врз лососот ставете сол и крупно мелен бибер, прелијте со маслиново масло и ставете да стои нај малку половина час. Потоа рибата пропржете ја на загреано масло. Исецкајте го и кромидот на коцки. Пропржете го на загреано масло, додадете толчени ореви, нане и оригано и томатело.На крај во сосот додадете ги пржените лосос филети. 2-3 минути се остава на оган, а потоа топло се сервира.

ДОБАР АПЕТИТ !

ПОЛНЕТО СВИНСКО ФИЛЕ

СОСТОЈКИ

800 гр. свинско филе, 240 гр. фета сирење,80 гр. суви сливи, 80 гр. суви смокви, малку сол, малку толчен бибер

За сос : 200 ml црвено вино, малку мајчина душица, 10 гр. мед и малку путер.

ПОДГОТОВКА

Исечете го свинското филе по должина и додадете сол и бибер. Кратко потопете ги сувите сливи и смокви во вода, па помешајте ги со фетата и филувајте го филето. Замотајте и ако е потребно, прикачете со чепкалки. Посолете и посипете со бибер и пржете на тава од двете страни. Сварете го црвеното вино да испари алкохолот, додадете сол, бибер и мајчина душица, како и малку мед по вкус. Кога ќе тргнете од оган, додадете коцка путер. Прелијте го месото и ставете го во загреана рерна на 200 степени да се подпече 20-30 минути.

ДОБАР АПЕТИТ !

КАКО ДА НАПРАВИТЕ КИВИ КОЦКИ ?

КИВИ КОЦКИ

СОСТОЈКИ

300 гр. бисквити, 0,5 l млеко (плус малку млеко за потопување) , 5 лажици брашно, 100 гр. шеќер, ванилин шеќер, 150 гр. маргарин, 4 киви, шлаг и пудинг од ванила.

ПОДГОТОВКА

Изматете го брашното со малку млеко. Во остатокот од млекото додадете шеќер и ванилин шеќер, па ставете да зоврие. Сварете пудинг. Пенасто изматете маргарин, додадете лажица по лажица од оладениот пудинг со постојано мешање. Половината од бисквитите потопете ги во млеко и наредете ги на тацна. Преку бисквитите намачкајте половина од филот, а одозгора наредете две киви исечени на кругови. Премачкајте со другата половина од филот, па наредете бисквити натопени во млеко. На крајот изматете шлаг и со него премачкајте го целиот колач. Кога ќе омекне, исечете го на коцки, па на секоја коцка ставете ги на кругови исечени останатите киви.

ДОБАР АПЕТИТ !

ЛАЗАЊИ

СОСТОЈКИ

Лазањи, 450 гр. мелено месо, 1 главица кромид, 400 гр. сос болоњезе, 25 гр. путер, 25 гр. брашно, 425 ml млеко

ПОДГОТОВКА

Рерната се загрева на 180 степени. 450 гр. мелено месо се пржи со сечкан кромид. Се додава 400 гр. сос болоњезе. Во тавче се остава 25 гр. путер да се растопи и се додава 25 гр. брашно и се пржи 1-2 минути. Постепено се додава 425 ml млеко . Во сад за печење наизменично се редат сосот од месо, лазањите и бешамел сосот. Се додава рендан пармезан. Се пече 30-35 минути. Доколку сакате може да додадете и кисела вода за печење , затоа што лазањите се подготвуваат без претходно варење.

ДОБАР АПЕТИТ !

КАКО ДА СЕ ОСЛОБОДИТЕ ОД ЧУВСТВОТО НА ИНФЕРИОРНОСТ ?

ЧУВСТВО НА ИНФЕРИОРНОСТ

Инфериорноста е една состојба која буди во нас непријатни чувства. Тоа е состојба која прави да мислиме и да чувствуваме дека ние сме помалку вредни од другите луѓе, но ваквото чувство на инфериорност треба да се борите да го надминете.



СЕ ПРАШУВАТЕ КАКО ДА СЕ ОСЛОБОДИТЕ ОД ЧУВСТВОТО НА ИНФЕРИОРНОСТ !

ЕВЕ НЕКОЛКУ ПРЕДЛОЗИ !

1. Нај прво треба да откриете во однос на што и на кого сте инфериорни. Откако ќе го сторите ова, потоа треба да се запрашате дали сликата што некој ја остава за себе е реална. Многу често не е таква, но за вас таа личност претставува репер за споредба.

2. Потоа направете кратка анализа за тоа кои се вашите предности во однос на таа одредена личност со која што се споредувате. Таа личност е добра во одредени работи, но сигурно дека ни вашиот список нема да биде кус. Ни една личност не е толку совршена како тоа што навидум ви се чини. Секоја личност има свои слаби и свои јаки страни. Секогаш потенцирајте ги вашите јаки страни.

3. Секогаш бидете она што сте. Не се обидувајте да бидете некој друг. Затоа што тоа едноставно не е возможно . Вие можете да го дадете најдоброто од себе само доколку дејствувате во склад со вашите квалитети кој што ги поседувате . Споредбата може да биде од корист само во смисла на натпреварувачки дух кој ве турка напред кон нови успеси и ништо повеќе и ништо помалку од тоа.

4. Дозволете си да бидете различни од другите. Живејте во согласност со општо прифатените општествени вредности, но секогаш правете го само она што вие вистински го сакате и го прифаќате во согласност со вашите желби и потреби, а не само затоа што другите така прават.

5. За да ова чувство на инфериорност не ве обземе целосно и на некој начин да ве парализира , односно вашите емоции да ги разниша до таа мера да не бидете во состојба нормално да функционирате, вие треба вашата самодоверба да ја зајакнете, а чувството на инфериорност да го потиснете правејќи нешта со кои ќе ги истакнете вашите квалитети и ќе дејствувате во средината каде во тој момент припаѓате, се разбира очекувајќи потврда за вашите квалитети и успеси !

И НА КРАЈОТ ЦЕНЕТЕ СЕ И САКАЈТЕ СЕ СЕБЕ СИ, САМО ТАКА ЌЕ УСПЕЕТЕ ДА СЕ ОСЛОБОДИТЕ ОД ЧУВСТВОТО НА ИНФЕРИОРНОСТ !

ШТО Е ТОА ШТО ВЕ ПРАВИ ИНФЕРИОРНИ ?

ЧУВСТВО НА ИНФЕРИОРНОСТ

ШТО Е ТОА ИНФЕРИОРНОСТ ?

Инфериорноста е една состојба која буди во нас непријатни чувства. Тоа е состојба која прави да мислиме и да чувствуваме дека ние сме помалку вредни од другите луѓе .

Природата на човекот е тој постојано да се споредува со другите. Затоа тој поседува еден природен натпреварувачки дух кој што води кон цивилизациски напредок, но тоа воопшто не значи дека треба да се споредуваме со секој и секого. Доколку вие се споредувате со луѓе кои се веќе докажани интелектуално, финансиски итн. и тоа во светски рамки и во вашата околина, неминовно дека ќе се чувствувате инфериорно.Вие треба оваа лоша споредба да ја отфрлите со констатација дека воопшто ваква споредба не ви е од корист, туку може само да ви наштети.Нема да имате никаква корист од тоа ако, на пример се споредувате со Ангела Меркел и слични на неа, но вие треба да бидете реални во вашите согледувања, кој се вашите  квалитети кои што ги поседувате, и можете да се споредувате со луѓето кои што се на приближно исто ниво со вас.Понекогаш вие самите можете да се доведете во заблуда дека сте помалку вредни од другите, но треба вашите размислувања и заклучоци да имаат рационална основа.
Мислам дека корените на инфериорноста потекнуваат уште од нашето нај рано детство. Сметам дека никој од нас не се раѓа со инфериорен комплекс, туку тој се стекнува со текот на годините на живеење и зависи од тоа што ние восприемаме од нашата непосредна околина. Доколку уште од нај раното детство вие сте изложени на нај различни критики и споредби со другите деца како од страна на вашите родители, наставници, роднини и сите останати чинители на вашиот живот, тогаш чувството на инфериорност бидете сигурни нема да ве одмине, но ваквото чувство треба да се борите да го надминете. Се прашувате како ?

Предлозите следат во следниот пост со наслов
КАКО ДА СЕ ОСЛОБОДИТЕ ОД ЧУВСТВОТО НА ИНФЕРИОРНОСТ?  

ЗЕЛЕНИ ПЕЧЕНИ ПАЛАЧИНКИ

СОСТОЈКИ

ЗА 10 ПАЛАЧИНКИ : 1 јајце, 250 гр. брашно, малку сол, 225 ml млеко, 225 ml вода

ЗА ФИЛ И ПРЕЛИВ : 100 гр. спанаќ, 100 гр. печурки Шампињони, 300 гр. фета сирење, 200 гр. шунка исешена на прстени, праз, 200 ml. кисела павлака , сол, бибер, кашкавал ајдамер и масло.

ПОДГОТОВКА

Изматете тесто за палачинки и испечете 10 парчиња. Палачинките нека бидат подебели. 

ФИЛ : Обарете го спанаќот, додадете ги печурките, додадете масло. Пропржете, додајте го празот со сол, бибер. Тргнете го од оган, додадете ја шунката, фета сирењето и промешајте ја смесата. Палачинките премачкајте ги со фил кој претходно сте го припремиле. Замотајте ги палачинките, па ставете ги во огноотпорен сад. Прелијте ги со павлака и рендан кашкавал и десетина минути печете во рерна загреана на 200 степени.

ДОБАР АПЕТИТ !

ТЕСТЕНИНИ СО ПЕЧУРКИ

СОСТОЈКИ

500 гр. макарони Дивела, 400 гр. печурки Шампињони, 100 гр. варен спанаќ, 100 гр. сецкани ореви, 150 ml слатка павлака за готвење Хелта, ајдамер, чешне лук, магдонос, масло, сол и бел бибер.

ПОДГОТОВКА

Шампињоните исечени на листови динстајте ги на загреано масло. Кога ќе испари течноста која ја пуштиле, додадете сецкани ореви и кратко пропржете. Додадете слатка павлака, оставете да проврие и тргнете од оган. Помешајте варен спанаќ и сецкан магдонос и додадете сол и бибер. Тестенините сварете ги во посолена вода и исцедете. Послужете ги прелиени со сос од шампињони и рендан ајдамер.

ДОБАР АПЕТИТ!

ПИЛЕШКИ КРИЛЦА ВО МЕД

СОСТОЈКИ

3 лажици путер, лук, лажица ѓумбир, 16 пилешки крилца, 

          3 лажици мед, четвртина чаша Ворчестер сос, 3 лажици соја сос и 3 лажици сусам

ПОДГОТОВКА

Истолчениот лук и ѓумбир издинстајте ги на путер. Додадете ги крилцата и динстајте уште 3 минути. Потоа додадете мед, Ворчестер и соја сос, па пржете додека не се згусне и пилешките крилца не бидат готови. На крајот додадете сусам, измешајте и послужете.

ДОБАР АПЕТИТ !

КАКО ДА ОТКРИЕТЕ ШТО НАВИСТИНА САКАТЕ ?

ДАЛИ НАВИСТИНА ЗНАЕТЕ ШТО САКАТЕ ?

Милиони луѓе во светот секојдневно се прашуваат што навистина сакаат , дали се чувствуваат исполнети , задоволни , среќни односно дали го живеат нај добриот свој живот.

ДАЛИ МОЖЕБИ И ВИЕ СТЕ ЕДЕН ОД ОВИЕ МИЛИОНИ ЛУЃЕ ?

 Еден од начините да откриете што навистина сакате е да поминувате доволно време со самите себе. Само така ќе можете да го чуете вашиот внатрешен глас. Затоа што само силата на вашиот внатрешен глас може да ви даде одговор на ова прашање.

   1. Земете еден лист хартија за да ги запишете нај прво вашите постоечки вештини и таленти, а потоа работите кои сте ги сакале и кои некогаш сте ги правеле, работите кои денес ги сакате и ги правите и на крајот запишете ги работите кои што од секогаш сте ги сакале, но никогаш не сте ги направиле.

   2. Понатаму она нешто што треба да го направите е да им дозволите на вашите мисли слободно да шетаат и можете само да замислите што се може да ви дојде на ум. Едноставно во таа бура од мисли во вашиот ум нај веројатно ќе излезе на површина и она нешто длабоко потонато во вас, што вие го сакате, но не сте свесни за тоа.

   3. Понекогаш сте незадоволни од тоа што ви го нуди вашиот живот. Посакувате многу нешта, но тоа не ви оди од рака. Многумина на поставеното прашање што сакаат, веднаш ќе одговорат дека сакаат пари, куќи, автомобили,  итн. Многумина и добиваат некои од овие материјални нешта, но дали тоа ги прави вистински среќни?

   4. Доколку сте незадоволни од сопствениот начин на живот, не обвинувајте ги другите, не проколнувајте го животот, не велете дека вие сте жртва на вашата сурова судбина ! Затоа што тоа апсолутно не е вистина !

   5. Не очекувајте дека светот ќе се промени заради вас. Се што треба да направите е да го пронајдете центарот на вашиот свет и да започнете со промени кај вас лично.Картите се веќе поделени, а вие животот мора да го играте со поделените карти.

ПОСЛЕ СЕ НЕ Е ВРЕМЕ ДА БАРАТЕ НОВО ДЕЛЕЊЕ, ТУКУ ЕДНОСТАВНО ТРЕБА ДА СЕ ЗАПРАШАТЕ И ДА ОТКРИЕТЕ , ШТО ВИЕ НАВИСТИНА САКАТЕ !


ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ



 

КАКО ДА ГИ ОСТВАРИТЕ ВАШИТЕ СОНИШТА ?

ХРАБРИТЕ ГИ ПРАТИ СРЕЌА ! 

 НАПРАВЕТЕ ВИСТИНСКИ ИЗБОР!

Што е тоа што ве спречува да ги остварите вашите соништа ?

Дали можеби сметате дека тоа се одредени околности кои што ве попречуваат да ги остварите вашите желби и посакувани нешта ?

Чекате да се променат околностите т.е. да дојдат подобри времиња ?
Дали се работи за некои стравови кои што влијаат на вас ?
Стравови кои вие дури и не ги препознавате, но дури и кога ќе  препознаете  одредени стравови,  дали ќе сте во состојба да ги потиснете и да ја промените состојбата односно да направите ХРАБАР ИЗБОР ?
Не дозволувајте тие да ве попречат во остварувањето на посакуваните цели !

ЗАТОА НЕ ЧЕКАЈТЕ !

ПРЕЗЕМЕТЕ АКЦИЈА ДЕНЕС !

1. Најпрво променете го аголот на гледање на нештата кои што ве опкружуваат и кои што внатрешно ве оптеретуваат.
2. Направете анализа на тоа што добивате, а што би изгубиле со преземањето на одреден храбар избор во правец на остварување на вашите замислени цели. 

Со непреземање акција вие би останале на истата ситуација, што значи заробени од вашите стравови, но погледнете ги нештата и од друг аспект. Доколку дејствувате и преземете акција , состојбата би можела да се промени во насока на остварување на вашите соништа. Значи вие кога треба да преземете нешто доколку секогаш им давате приоритет на ризиците, а придобивките ги минимизирате , тогаш неминовно дека стравот ќе ве попречи во остварувањето на посакуваниот напредок. Доколку вие размислувате на ваков начин ќе се соочите со недостиг на мотивација за да ги победите вашите стравувања од неуспех.

      3. Откријте од што точно стравувате. Потоа колку што можете погледнете со оптимистички очила. 

      4. Потенцирајте ги позитивните придобивки.

Истакнувајќи ги негативностите самите создавате слика дека позитивните придобивки се помалку вредни и заедно со разноразни изговори за околностите во кои што се наоѓате не допринесувате за остварување на вашите посакувани цели.

       5. Откако ќе направите анализа за ризиците VS придобивките ќе добиете јасна слика за тоа што треба да правите понатаму. Важно е да не дозволите не реални причини и стравови да одлучат наместо вас.

Каков и да биде вашиот избор запомнете, не постои човек кој не чувствува одредена несигурност, но треба да чекорите ХРАБРО, на патот кон успехот, затоа што 

ХРАБРИТЕ ГИ ПРАТИ СРЕЌА !

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА ЈА ПОБЕДИТЕ ВАШАТА ПАСИВНОСТ ?

ИЗГОВОРИ КОИ ШТО ЛУЃЕТО ГИ КОРИСТАТ ЗА ДА ЈА ОПРАВДААТ СВОЈАТА ПАСИВНОСТ

1. Јас неможам тоа да го направам !

 Овие зборови кои си ги кажувате постојано себе си и на другите како изговор дека   нешто  не  сте во состојба да направите постојано одекнуваат во вашите мисли. Обидете се да ги потиснете овие мисли и тргнете напред кон целта. Вистина е дека вашите сомнежи можат да изградат препреки големи како планини, но вашата самодоверба е таа која што може и сигурно ќе ги помести тие планини. Од вас зависи во што ќе верувате.
     2. Сакате нешто да промените , сте си замислиле што сакате, но тоа не е доволно.
 Треба да направите план како тоа што сте го замислиле да го остварите. Вашата желба и замисла не се доволни за остварување на целта. Се додека вие ја одложувате реализацијата на вашите замисли , вие ќе чувствувате се поголем страв од неуспех. За постигнување на целта потребна е добра организација , акција и реализација.
      3. Следен изговор кој што луѓето го користат како оправдување е тоа дека тоа што ќе го преземат ќе го започнат утре.
 Колку пати сте си го кажале ова дека ќе стартувате утре?
За да направите напредок во својот личен развој потребно е првиот чекор кон промена да започне денес. Денес е вистинското време за промени !
Активните луѓе своите успеси ги прават денес додека пасивните секогаш мислат дека утре некако е подобро време за почеток.
      4. Изговор е и тоа дека не се чувствувате доволно спремни за акција.
 За да го постигнете ова чувство на спремност исто така треба да започнете со акција ДЕНЕС. Не дозволувајте да ве надвладее чувство на несигурност.
      5. Изговор е и тоа дека подобро е да ја прекинете работата на почетокот додека не сте направиле поголема штета.
Понекогаш некои луѓе не се ни свесни дека се на само еден чекор до успехот, но тие заради одредени стравови од неуспех се откажуваат токму пред целта.
Сите луѓе секојдневно доживуваат поголеми или помали неуспеси, но успеваат да опстојат на патот кон успехот само оние упорните кои што не се откажуваат при првата препрека на патот. Значи упорноста е излез од оваа состојба.
      6. Изговор е и тоа дека веќе е предоцна за се !
Ова едноставно не е точно ! Никогаш не е доцна да направите нешто кое што позитивно ќе влијае на вас. Не постои лошо или добро време за почеток. Секое време е вистинско време за промени. Потребно е да имате силна желба за промени, да ги зацртате вашите цели кон кои ќе се движите во согласност со вашите реални прилики и да остварите акција и реализација.

Само на овој начин без разлика на тоа во кое животно доба се наоѓате вие вашиот личен развој и успех можете да го движите во правец на исполнување на вашите желби. Со тоа вашиот живот ќе биде исполнет, а вие ќе чувствувате задоволство и среќа.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ