КАКО ДА ДОБИЕТЕ СОВРШЕН ВКУС НА МЕСОТО ?

НАПРАВЕТЕ СООДВЕТНА ПОДГОТОВКА НА МЕСОТО 

ПРЕД ДА ГО ГОТВИТЕ

За да добиете најдобар вкус на месото потребно е да го подготвите на правилен начин. Тоа не подразбира само строго да се придржувате до рецептот, туку потребно е и да ги примените овие мали совети, па да добиете совршен вкус на месото.

• Сите видови на месо, а особено говедското, пред готвење потребно е да го исчукате со дрвен или метален толчник, за да се изедначи дебелината на месото и месото да омекне. Пред толчењето месото ставете го во најлонска фолија за да кујната ви остане чиста.
• Ако месото се готви за супа, потребно е да ставите ладна вода, бидејќи така супата ќе биде поубава и поквалитетна. За да месото ги задржи сите хранливи состојки гответе го во вода која врие и не ја вадете пената, бидејќи таа содржи белковини.
• Пред динстање или печење, месото треба да се посоли, да се втријат зачините и веднаш да се пропржи на масло за да белковините се згрушат и создадат корка која ќе ги задржи соковите внатре во месото.
• Свинското месо ќе добие крцкава корка, доколку пред крајот на печењето малку да се посоли и да не се полева со сокот во кој се пече, или ако се полева тогаш тоа треба да се прави со ладна вода и да се допече во јако загреана рерна.
• Свинското месо кое планирате да го печете исто така ќе има совршен вкус доколку сите зачини ги втриете одвечер, сол, бибер, сушен зеленчук ( вегета ), малку лук, малку морков, магдонос, масло, бело вино. По желба можете парчињата свинско да ги намачкате со малку сенф. Вака подготвеното свинско месо потребно е да одстои цела вечер, па потоа да се пече.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ PROFITEROLES ?

PROFITEROLES

( ФРАНЦИЈА )

Profiteroles е француски ладен десерт. Името " profiteroles " потекнува од зборот профит. Се до  XI век овој збор се употребувал за да означи мал дар, подарок.

ПОДГОТОВКА

( КОЛИЧИНА ЗА 8 ЛИЦА )

40 мали принцес-крофни, 75 цл. сладолед од ванила, 40 цл. крем за profiteroli.

Пресечете ја секоја принцес-крофна од една страна и наполнете со сладолед. Ставете во замрзнувач за да не се растопи сладоледот. Во 8 купа ставете по 5 крофници и прелијте ги со топол крем.

КРЕМ : Во еден сад ставете 2 дл. вода и 180 гр. шеќер во прав. Оставете да проврие. Потоа овој сируп сипете го малку по малку, постојано мешајќи, преку 60 гр. какао во прав. Ставете на средна температура и додадете 100 гр. слатка павлака. Штом ќе почне да врие тргнете од оган.

ДОБАР АПЕТИТ

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

 

КАКО ДА НАПРАВИТЕ БАНАНА СПЛИТ ?

НАПРАВЕТЕ БАНАНА СПЛИТ

( САД )

СОСТОЈКИ

( КОЛИЧИНА ЗА 4 ЛИЦА )

Четири топки сладолед од ванила, 4 банани,4 топки сладолед од чоколадо, 4 топки сладолед од јагода, шлаг, зашеќерени цреши ( кандирани ), малку стопено чоколадо или сируп од јагода.

ПОДГОТОВКА

Во 4 овални сада ставете во средина по една топка сладолед од ванила, чоколада и јагода. А од секоја страна половина банана која сте ја пресекле по должина. Сладоледот прелијте го со растопена чоколада или со сируп од јагода, па се прекријте со шлаг и украсете со зашеќерени цреши ( кандирани ).

ДОБАР АПЕТИТ

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ ТРОБОЈНА ПЛЕТЕНКА ?

НАПРАВЕТЕ ТРОБОЈНА ПЛЕТЕНКА ?

Тробојната плетенка е многу вкусно пециво. Таа претставува вистински украс на трпезата, декоративно делува и е погодна да се сервира за разни пригоди.

ПОДГОТОВКА

500 гр. брашно, 30 гр. квасец, шеќер, 250 гр. млака вода, 1/2 лажица сол, 2 лажици зејтин плус за премачкување, 1 рака мак, 1 рака сусам и 1 рака пахуљици од просо.

Се меси тесто и се остава да стаса 2 часа, потоа се прават 3 лепчиња долгнавести. Секое од нив се премачкува со јајце и се увалкува во мак едното, сусам другото и просо третото. Потоа се плетат како плетенка. Се остава да стаса половина час, па се пече 40 минути во рерна затоплена на 180 степени.

ДОБАР АПЕТИТ

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ ПОГАЧИЦИ ?

 ЛЕСНО И БРЗО НАПРАВЕТЕ ВКУСНИ ПОГАЧИЦИ !

ПОДГОТОВКА

500 гр. брашно, 3 лажици зејтин, 1 пециво, малку сол и шеќер, 1 чаша кисело млеко.

Се замесува убаво тесто ( може и малку вода ) и од него се прават топчиња и на топчињата се прават дупчиња и во нив се става по желба сирење, кашкавал, шунка. Се мачка со жолчка и сусам и се печат на плех подмачкан со маргарин.

ДОБАР АПЕТИТ

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КОЛАЧ НА СРЕЌАТА !

НАПРАВЕТЕ КОЛАЧ НА СРЕЌАТА  !

( АМЕРИКАНСКИ РЕЦЕПТ )

 ( ПРИЈАТЕЛСКИ КОЛАЧ )

МАЈА : СЕ ДОБИВА ОД ПРИЈАТЕЛИ; 

СЕ ПОСТАПУВА НА СЛЕДНИОТ НАЧИН :

ДА НЕ СЕ ЧУВА ВО ФРИЖИДЕР

1. ден ништо
2. ден да се промеша
3. ден да се промеша
4. ден да се промеша
5. ден да се промеша и се префрла во поголем сад од 1,5 л. и се додава : 1 чаша од 200 гр. брашно, 1 чаша шеќер, 1 чаша млако млеко. Сето добро се промешува, а за мерка се зема чаша од јогурт.
6. ден да се промеша
7. ден да се промеша
8. ден да се промеша
9. ден да се промеша
10. ден да се промеша и се додава : 1 чаша брашно, пола чаша шеќер, пола чаша млако млеко. Сето добро се меша и се дели на три дела. Двата дела се ставаат во посебни тегли, а од третиот се прави колач. Едната тегла се дава на пријатели, другата се чува за себе, а од третата се прави колач.

ПОДГОТОВКА НА КОЛАЧОТ НА СРЕЌАТА

 

Мајата се става во вангличка и се додава 1/2 чаша зејтин, 1 чаша шеќер, 2 чаши брашно, 3 јајца претходно изматени; прво се матат белките па им се додаваат жолчките и се мати добро заедно

• 2 ванили
• едно пециво 
• 1 л. цимет
• малку сол
• малку сода бикарбона
• 100 гр. суво грозје
• 100 гр. сецкани ораси
• 100 гр. суви смокви
• сок од еден портокал

Сето се меша убаво и се пече на 180-200 степени, 40-50 минути.

 

НАПРАВЕТЕ ГО КОЛАЧОТ НА СРЕЌАТА И ДАДЕТЕ НА ПРИЈАТЕЛ ДА ГО НАПРАВИ !  

 

СЕКОГАШ НЕКА ВЕ ПРАТИ СРЕЌА !

 

ЗАТОА НЕ ЧЕКАЈТЕ !

 

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

 

 

КАКО ДА НАПРАВИТЕ СУСАМКИ ?

ПОДГОТВЕТЕ ВКУСНИ И ДЕКОРАТИВНИ СУСАМКИ

 СОСТОЈКИ

1 маргарин, 5 лажици шеќер, 1 пециво, 1 ванилин шеќер, 2 жолчки, 1 филџан млеко.

ПОДГОТОВКА

 Се мати маргаринот со шеќерот и жолчките, се додава млекото, брашно со пециво и се замесува тесто. Се обликуваат во форма на стапчиња или месечинки, се мачкаат со белка и сусам и се печат.

Сусамките се многу вкусни и декоративни !

ДОБАР АПЕТИТ 

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ МАСКА ОД БАДЕМИ И МЕД ?

 НАПРАВЕТЕ МАСКА ОД БАДЕМИ И МЕД ЗА СВИЛЕНКАСТА КОЖА

Природните маски се најдоброто решение за вашата кожа. Тие лесно се прават со продукти кои можете да ги најдете во вашата кујна, ефтини и многу ефикасни. Користејќи ја маската од бадеми и мед вашата кожа ќе стане мека на допир и ќе добие свиленкаст изглед.

Бадемите содржат мрсни масла, витамини А, Б, Е , минерални соли, белковини.
На лицето се нанесуваат мелени бадеми со малку мед и бадемово масло, а се испира со чај од бел слез. Маската одговара за сува и чувствителна кожа.


ЗАТОА НЕ ЧЕКАЈТЕ ! 

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ ЛЕДЕНО КАФЕ ?

ПОДГОТВЕТЕ И УЖИВАЈТЕ ВО НЕОДОЛИВИОТ ВКУС НА ЛЕДЕНОТО КАФЕ

( ICED COFFEE )

Сварете кафе вака : за секоја чаша ледено кафе сметејте лажичка шеќер, лажичка кафе и 1/2 кесичка ванилин шеќер. Затоплете ја зашеќерената вода, ставете кафе и нека два пати зоврие, па кафето оладете го во фрижидер. Изладениот напиток послужете го во чаши. Во чаша ставете сладолед, прелијте со изладеното кафе, одозгора ставете изматена слатка павлака и наросете со грубо рендана чоколада. По желба можете кафето да го сварите со чоколадо така да на секоја лажичка кафе ставете 1/2 ребро чоколада.


ВКУС КОЈ ВРЕДИ ДА СЕ ПРОБА !

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ МАСКА ОД ЈАБОЛКА И МЕД ?

НАПРАВЕТЕ МАСКА ОД ЈАБОЛКА И МЕД

Доколку ве измачува умор и стрес, тогаш најдобра маска за вас е маската од јаболка и мед. 

 Јаболката е богата со шеќер, пектини, витамини А, Б, Ц, натријум.

Јаболките ги имаме во изобилство, па затоа многу лесно и едноставно можете да ја направите оваа маска која ќе ја подмлади вашата кожа.

 

 ПОТРЕБНИ СОСТОЈКИ

1 јаболка, 2 лажички мед, 1 жолчка ( за сува кожа ) или белка ( за масна кожа ), 1 лажица масло.

 Маската се подготвува така што јаболката се ренда или пече, па се гмечи со додаток на жолчка или белка во зависност од типот на кожата, медот и маслото. Се меша додека смесата не се соедини. Сите овие состојки можете да ги измешате и во блендер.

Маската треба да делува 15 минути, а се употребува 2 пати неделно.

Со редовна употреба ќе го почувствувате благотворното дејство на јаболката, а вашата кожа ќе стане мека на допир, затегната и подмладена.

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА НАПРАВИТЕ ИЗВОНРЕДЕН " EGG-NOGS " СО КАФЕ ?

ВКУСЕТЕ ГО ИЗВОНРЕДНИОТ НАПИТОК " EGG-NOGS " СО КАФЕ

ПОДГОТВЕТЕ

1 дцл иситнет лед, 1 јајце, 2 лажици шеќер, лажичка инстант - кафе, 1 лажица рум, половина кесичка ванилин шеќер, 3 дцл. млеко; матена слатка павлака ( хопла ).

Во шејкер или миксер ставете ги сите состојки освен матената слатка павлака. Добро помешајте, сипете во чаши ( претходно држете ги во фрижидер добро да се оладат ), украсете со матена слатка павлака и веднаш послужете.

ВКУС КОЈ ВРЕДИ ДА СЕ ПРОБА !

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА ГО ПОБЕДИТЕ СТРАВОТ ОД ОБВРСКИ ?

КАКО ДА ГО ПОБЕДИТЕ СТРАВОТ ОД ОБВРСКИ И МОЖЕН НЕУСПЕХ !

 Смислата на животот е онаа која вие ќе му ја дадете. Секојдневно вие носите одлуки за тоа што ќе преземете. Тоа понекогаш ви носи привилегии и чувствувате задоволство, но понекогаш мора да се соочите и со одредени неуспеси со кои треба да се справите. Стравот од неуспех е тој кој што ве одвраќа секогаш кога ќе сакате да се соочите со одреден проблем кој треба и мора да го решите, па во моментот прибегнувате кон одлагање и игнорирање на истиот. Се залажувате себе си дека тој ќе исчезне, доколку доволно долго го игнорирате, но тоа нема да се случи. Она што ќе се случи е тоа дека обврската која сте ја игнорирале, за вас ќе претставува уште поголем товар, кој вие нема да бидете во состојба да го решите, затоа што сте избрале да живеете дефанзивно и потполно сте ја изгубиле вербата во себе дека сте способни, храбри и одлучни да се фатите во костец со сите ваши обврски и проблеми. 

Запомнете дека се додека една обврска или проблем не започнете да ја игнорирате, таа е само обврска или проблем, а не страв !

Храброста незначи отсуство на страв, туку значи да донесеш одлука дека нешто друго е поважно од стравот !

Се повлекувате пред обврските избегнувајќи конфликтни ситуации. Ова го применувате како резултат на недостиг од самодоверба дека можете да се справите со можен негативен исход од решавањето на проблемот. Но самоуверени луѓе, не се оние кои знаат со сигурност дека ќе успеат, туку оние кои знаат дека ќе се справат со неуспехот, доколку се случи. Се додека го одложувате решавањето на обврските, вие ќе чувствувате се поголем страв од неуспех.

Друга можна причина за вашето повлекување пред обврските е стравот од промени. Веќе востановените навики и начин на живеење кој го практикувате, тешко се менува, но секако тоа е можно, доколку имате зацртано јасна цел пред себе. Пред вас стои некоја важна задача која, доколку ја решите, може целосно да ви го промени животот, но ден по ден, недела по недела, пронаоѓате разноразни оправдувања да не почнете и на крај, можно е и да се откажете, а желбата и сонувањето за остварување на истата остануваат и понатаму ваш копнеж.

Не дозволувајте стравот да зачекори по вашиот пат кон успехот !

ЗАТОА ИЗБЕРЕТЕ ХРАБРОСТ !

Ако изберете храброст, тогаш стравот кој што го чувствувате, нема да има повеќе моќ да ви ги руши соништата и да ви ја одзема мотивацијата.

" Храброста е најважна од сите особини, бидејќи без храброст, не можете да практикувате било која доблест доследно " !

                                                                                                        - MAYA ANGELOU -

И на крајот возбудата и уживањето кои го прават животот исклучително искуство, им припаѓаат на оние со храброст да ги надминат своите стравови и да ги остварат своите соништа !

СЕ ПРАШУВАТЕ КАКО ?

ЕВЕ НЕКОЛКУ ПРЕДЛОЗИ :

1. Најпрво размислете и откријте од што точно стравувате
2. Признајте си себе си дека стравот е тој кој ве одвраќа од активност
3. Само откако ќе станете потполно свесни за причините кои ве одвраќаат од решавање на обврските, можете да пристапите кон следниот чекор
4. Следниот чекор е да размислите за тоа што добивате, а што губите со непреземање активност
5. Потребно е да извлечете заклучок дека и покрај чувството на страв, она што мора да се направи е поважно од стравот
6. Научете да се носите со неуспесите и сфатете го неуспехот како искуство кое сте го стекнале, а може да ве доведе до посакуваната цел. Или како што кажал НАПОЛЕОН " ПОРАЗОТ Е ПРВИОТ ДЕЛ ОД ПОБЕДАТА "
7. Направете листа на приоритетни обврски кои чекаат решавање. Започнете со обврска која не бара многу големи ангажмани, па доколку успешно ја решите, таа ќе ви даде ветер во грбот за следната, односно веројатно многу полесно ќе се охрабрите да се фатите за решавање и на некоја посложена обврска.
8. И на крајот, запомнете не постои човек кој не чувствува одредена доза на страв кога треба да преземе нешто, но разлика постои, што оние кои успеваат добро го контролираат својот страв, упорни се и знаат да преживеат и кога ќе доживеат неуспех.

ИЗБЕРЕТЕ ХРАБРОСТ !

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

 

ВКУСЕТЕ ГО ИЗВОНРЕДНОТО КАФЕ " LIEGEOIS " ?

ПОДГОТВЕТЕ И УЖИВАЈТЕ ВО ВКУСОТ НА КАФЕ " LIEGEOIS "

( АВСТРИЈА )

Првобитното име на овој ладен десерт од Виена е " Kafe Vienoaz " и како таков ја освоил цела Европа. После првата светска војна, овој германски назив засметал, па е променет во " Kafe Liegeois ".

ПОДГОТОВКА

( количина за едно лице )

Две топки сладолед од кафе, филџан јако црно кафе, шлаг.

Во чаша сипете ладно јако црно кафе, ставете сладолед и сето тоа прекријте го со шлаг. Можете да декорирате со бонбони кои потсетуваат на зрно кафе.

ВКУС КОЈ ВРЕДИ ДА СЕ ПРОБА !

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ