НИКОГАШ НЕ Е ДОЦНА ЗА НОВ ПОЧЕТОК !

НАЈТЕШКО И НАЈИСПРАВНО НЕШТО

ПЛИВАЊЕТО Е ЛЕК ЗА ТЕЛОТО И ЗА ДУШАТА !

ПЛИВАЊЕТО ЦАР НА СПОРТОВИТЕ !

Ако треба да се избира кој спорт или физичка активност најдобро влијае на целосниот човечки организам, тогаш сигурно на прво место ќе биде пливањето. Ги активира сите мускули на телото го зајакнува кардиоваскуларниот систем го подобрува дишењето, но влијае и на психата. Ова се само неколку позитивни примери за да се почне што порано со овој спорт, па дури и рекреативно.Пливањето се смета за едно од најтемелните облици на важбање. Ги активира сите делови на телото, рацете, нозете, градниот кош, задникот. На овој начин телото станува поиздржливо, а така се забавува и неговото стареење.

Покрај пешачењето со брзи чекори, пливањето е спорт кој најмногу се препорачува. Придонесува за подобра општа кондиција на организмот, влијае и на периферната и централната циркулација, психички опушта, но влијае и на правилен развој и држење на телото особено кај децата кои се во развој и се соочуваат со деформитети на р'бетниот столб.

Пливањето е и вистински избор за оние што сакаат да ослабнат, бидејќи се смета за спорт со кој се губат најмногу калории. За само еден час пливање може да се согорат и до 750 калории.

• Ги зајакнува мускулите на целото тело
• Го штити кардиоваскуларниот систем
• Го подобрува снабдувањето на срцето и белите дробови со кислород
• Го опушта нервниот систем
• Го подобрува движењето на зглобовите
• Троши калории и влијае на слабеењето

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

КАКО ДА СЕ ЗАШТИТИТЕ ОД СОНЦЕТО ?

ПРАВИЛА И МАЛИ СОВЕТИ КАКО ДА СЕ СОНЧАТЕ И ЗАШТИТИТЕ 

ОД СОНЧЕВИТЕ ЗРАЦИ

На плажа, во текот на сончањето, поздраво, покорисно, а и поефтино е да нанесете на кожата маслиново масло, отколку да се мачкате со некои скапи и миризливи препарати. Како прво мирисите и штетат на кожата, често препаратите за сончање предизвикуваат алергии, а за цените и да не зборуваме. Освен тоа погрешно е мислењето дека мирисот на маслиново масло тешко се отстранува. Доволно е добро туширање со топла вода и сапун или некое друго средство за туширање, па секој траг од маслиновото масло да исчезне..

Покрај телото и косата можете да ја мачкате со маслиново масло, и тоа додека е влажна. Така косата се храни и се отстранува несаканото дејство од сончевите зраци и од солта, доколку сте на море. 

Се повеќе се пишува и се говори за штетноста од прекумерното сончање. Некогаш се сметаше дека синоним на здравјето е темната исончана кожа, додека најновите истражувања покажуваат дека ултравиолетовите зраци повеќе и штетат, отколку што и користат на кожата. Често дејството на овие зраци е трагично, бидејќи предизвикуваат тешки алергии и рак на кожата. Заради сето ова мора да бидете многу внимателни кога се сончате. Најпогодно време е рано наутро и доцна попладне, кога зрачењето е најслабо. Ако и покрај тоа се здобиете со изгореници и црвенило, покрај препаратите од аптека, за ублажување на тегобите може сосема добро да ви послужи киселото млеко, талк или сода бикарбона разматена во вода.

И на крајот, не заборавајте дека човечкиот организам во поголемиот дел е составен од вода. Заради тоа, особено, на лето, кога повеќе се потиме и така губиме течност, доаѓаме во опасност организмот, а посебно кожата да ги лишиме од оваа неопходна течност. Совет кој може да се даде за летните жешки денови е да земате што повеќе течности, особено вода, незасладени благи чаеви или сокови. Избегнувајте ги газираните пијалоци. Како прво, секое утро напијте се чаша млака вода, што необично е добро за варењето, а со самото тоа и за целиот организам. Во текот на денот, помеѓу оброците пијте што повеќе вода. Доколку сте на диета, па ве обземе неиздржлива глад, испијте чаша вода или млак чај.

Бидете внимателни со сонцето и имајте убав и незаборавен летен одмор !

ЗАТОА НЕ ЧЕКАЈТЕ !

ЗАПОЧНЕТЕ ДА ГИ ПРИМЕНУВАТЕ ОВИЕ МАЛИ СОВЕТИ ЗА ГОЛЕМИ ПРОМЕНИ

ВЕРБА ВО БОГА !

НАДЕЖТА Е ХРАНА ЗА НАШИТЕ ДУШИ !

НЕ ДОЗВОЛУВАЈТЕ ОСАМЕНОСТА ДА НАДВЛАДЕЕ СО ВАС !